O Concello da Coruña fai público o protocolo asinado este mércores por Xunta, Ministerio de Fomento, Portos do Estado e Autoridade Portuaria para o futuro dos terreos portuarios e que só lle foi remitido ao Goberno local dous días despois. O alcalde, Xulio Ferreiro, cualifica o documento de "auténtica hipoteca para a cidade". "Non saben do que as coruñesas e os coruñeses somos capaces de facer para defender o que é o noso", advirte.
O xulgado de Noia reabre a causa contra José Enrique Abuín, o Chicle, pola suposta violación da súa cuñada. A xuíza ve "similitudes no modus operandi entre estes feitos e outros atribuídos indiciariamente ao mesmo sospeitoso".
Fran Alonso, novo director de Edicións Xerais. O escritor vigués sucede a Manuel Bragado, que a pasada semana anunciou a súa marcha, tras 24 anos no cargo. Alonso traballa na editorial dende 1992 e dende 2001 viña exercendo como subdirector, encargado da edición literaria. Ademais, entre 2006 e 2010 foi vicepresidente da Asociación Galega de Editores
Mercedes Peón publica o videoclip de "Déixaas", o tema que dará título ao seu novo álbum, o primeiro en 8 anos, e que sairá á rúa o vindeiro venres. O 27 de abril poderemos escoitar Déixaas, que sucede a SOS, Sihá, Ajrú e Isué, que acadaron un grande éxito de público en crítica dentro e fóra de Galicia.
PuntoGal distribuirá 12.000 marcapáxinas nas librarías e feiras do libro de Galicia. Cada marcapáxinas inclúe un código co que se poderá adquirir un dominio .gal por só 15 euros máis IVE. A promoción estará activa entre o 23 de abril e o 31 de agosto.
ETA vén de difundir un comunicado no que recoñece o dano causado: "Somos conscientes de que provocamos moita dor. Sentímolo de verdade". A nota non fai referencia á disolución do grupo terrorista, que se prevé que se produza na primeira semana de maio
VÍDEO | O cómico Leo Bassi regresa a Santiago e evoca o seu enfrontamento co ex-alcalde Conde Roa, que censurou unha actuación súa no Teatro Principal da capital galega porque lle producía "repugnancia" pouco antes de verse obrigado a dimitir. Bassi conversa con Nós TV sobre aquel episodio e a respecto do seu espectáculo: "eu sigo sendo bufón e triunfando, pero el...", ironiza sobre o antigo rexedor popular.
O líder de Ciudadanos, Albert Rivera, comunica ao sindicato UGT que se dá de baixa polo seu "apoio" ao "golpe separatista" en Catalunya. A Cadena SER publica a carta remitida por Rivera ao sindicato.
O analista galego Xulio Ríos gaña o premio Cátedra Chinesa pola súa achega ao coñecemento da realidade do país asiático. Nesta ligazón podes repasar as súas achegas a Praza.gal
Os Orzamentos do Concello de Lugo para 2018 pasan o seu último trámite coa publicación no BOP. Coa entrada en vigor das contas lucenses cinco das sete cidades galegas teñen en marcha o orzamento deste ano. Ferrol mantén prorrogado o de 2015 e Ourense, o de 2014.
