A campaña #PrimAcoso acada máis de 5.000 comentarios nas redes sociais, máis de 1,5 millóns de contas acadadas e arredor de 4,2 millóns de impactos. O Concello de Pontevedra fixo hoxe balance dunha exitosa iniciativa co gallo do 25N.
Fálase
-
Feijóo evoca a Rita Barberá como "un referente da política municipal". Tras asistir á sesión de control no Parlamento o presidente trasladou as súas condolencias á "familia" da dirixente falecida, que ao seu xuízo era "toda a cidade de Valencia". Barberá, engade, "fixo moitas cousas" e merece "respecto e consideración". Recólleo El Progreso
ÚLTIMA HORA Falece Rita Barberá vítima dun infarto en Madrid. O Summa confirma a morte da senadora e ex-alcaldesa de Valencia.
Seis concellos urxen á Coruña a aprobar a declaración a prol da área metropolitana que frearon PP e PSOE. Bergondo, Betanzos, Cambre, Culleredo, Oleiros e Sada aprobarán en pleno o documento e instan o Concello a facer o mesmo axiña.
A AP-9 en Vigo é o tramo con máis poboación afectada polo ruído no Estado. Fomento sitúaa entre as sete zonas de urxente solución e hai 2.000 persoas que sofren contaminación acústica excesiva.
O Congreso aproba a petición de Unidos Podemos de subir o salario mínimo a 800 euros en 2018. O PSOE votou a favor, o PP en contra e Ciudadanos abstívose.
A Xunta non recorrerá a condena ao Sergas por arriscar a vida dunha muller á que enviou abortar a Madrid. Así o avanzou o PP no pleno do Parlamento e resposta a unha iniciativa do BNG na que a deputada Olalla Rodil defendeu "garantir o dereito do aborto na sanidade pública para todas as mulleres" e regular a obxección de conciencia.
O PP rexeita o rescate do hospital Álvaro Cunqueiro no primeiro debate da lexislatura e presume, en resposta a senllas iniciativas de En Marea e PSdeG, dun centro en Vigo "público, con moi boa dotación, de presente e de futuro".
El BOE nuestro de cada día repasa 12 millóns en 221 achegas directas da Xunta a medios de comunicación mediante convenios. A web é parte dun proxecto da Fundación Civio.
A Deputación de Lugo abre o prazo de candidaturas para os Premios #InLugo, que serán entregados na nova edición do congreso de cultura dixital e redes sociais, os vindeiros 16 e 17 de decembro. As propostas poden ser formuladas ata o día 12 do mes que vén.
