Un arco de triunfo romano en Carpentras (Francia), de principios do século I d.C., pode gardar a primeira representación dun guerreiro galaico vencido. No monumento represéntanse catro figuras de prisioneiros e o catedrático da Universitat Rovira i Virgili Joaquín Ruiz de Arbulo sinala que un deles -de poboadas melena e barba e túnica grosa de la- correspondería a un nativo do noroeste, que Roma acababa de conquistar. Cóntao culturagalega.org
ERC sería a forza máis votada nas eleccións catalás nun escenario de difícil formación de goberno, segundo unha enquisa de Celeste-Tel para eldiario.es
Rajoy di que os traballadores do PP acusados de destruír os ordenadores de Bárcenas actuaron “como habitualmente se comporta a xente nunha circunstancia como esta”. Os discos duros foron borrados ata 35 veces e a xustiza acusa o PP de encubrimento e danos informáticos.
O nacionalismo corso logra unha ampla maioría absoluta nas eleccións rexionais, co 56,5% dos votos na segunda volta. A coalición de autonomistas e independentistas gobernará a illa.
Técnicos de Aragón entran no museo de Lleida para levar os bens de Sixena. Os Mossos cargan contra un grupo de manifestantes que intentou rachar o cordón policial
Os últimos datos da Xunta sinalan que a auga de Vigo, Moaña e Soutomaior é apta para o consumo, aínda que de calidade "baixa". O Goberno galego e o Concello de Vigo levan días nunha liorta pola potabilidade da auga e a responsabilidade dos problemas.
Galicia rexistra máis de 260 incidencias polo temporal, máis da metade delas na provincia de Pontevedra. Os concellos máis afectados son Vigo, Pontevedra, Santiago, Soutomaior, Ribadavia e Lugo.
O temporal obriga a desviar cinco voos con destino a Vigo e a cancelar outras tantas saídas
O Lugo vence a Cultural Leonesa (3-1) e mantense en postos de ascenso a 1ª división. No sábado, o Deportivo gañou ao Leganés (1-0) e o Celta caeu con polémica ante o Valencia (2-1).
Pontón fixa o vindeiro 25 de xullo como data para que estean xa decididos os candidatos do BNG ás municipais. A voceira do Bloque chama a En Marea e PSdeG a "aparcar os seus problemas internos".
