Juana Rivas, condenada a cinco anos de cadea e seis sen a patria potestade dos fillos por non entregalos ao seu ex-marido, condenado por lesións contra ela en 2009. Colectivos feministas amosan o seu rexeitamento da sentenza, que Rivas recorrerá, e chaman á mobilización Cóntao eldiario.es
O Congreso elixe a xornalista Rosa María Mateo como administradora única provisional de RTVE. Dirixirá a corporación dos medios públicos estatais ata que conclúa o concurso público do que sairá a dirección definitiva.
A Asociación pola Defensa da Ría de Pontevedra festexa este domingo a fin da concesión de Elnosa como "o principio dun futuro verde" que, din, debe pasar tamén polo peche de ENCE.
Unidos Podemos e ERC absteranse na votación do teito de gasto formulado polo Goberno de Pedro Sánchez, o que implica que non sairá adiante e continuará en vigor a senda orzamentaria trazada polo anterior Goberno do PP.
A deputada compostelá Marta González será a nova vicesecretaria de Comunicación do PP. Ocupa o cargo no novo comité de dirección do novo presidente dos populares, Pablo Casado, que prescinde do galego José Manuel Barreiro como portavoz no Senado.
EPA | O paro quedou en 175.000 persoas en Galicia no segundo trimestre do ano. Son unhas 11.500 menos que no primeiro trimestre e 26.500 menos que hai un ano. O emprego ascende ata as 1,08 millóns de persoas ocupadas, unhas 25.000 máis que no trimestre previo e arredor de 44.000 por riba que doce meses antes. Máis información, hoxe en Praza.gal
Rachan as negociacións entre Casado e Sáenz de Santamaría para a asignación de postos na nova dirección do partido. Está a contalo eldiario.es
O Galícia de Bahia brasileiro e o Pontevedra CF asinan un convenio de colaboración neste Día Nacional de Galicia. O histórico club da emigración galega no Brasil e a entidade granate colaborarán na formación de técnicos e na captación de xogadores.
O presidente do Parlamento, Miguel Santalices, lembra as vítimas de Angrois, do terrorismo, da violencia de xénero e de “calquera outra forma de violencia” na súa intervención como delegado real na Ofrenda ao Apóstolo.
O Tribunal de Xustiza da UE anula unha sentenza previa do seu inferior Tribunal Xeral comunitario que avalaba o 'tax lease' ou axudas fiscais ao naval. A nova sentenza [aquí pode lerse un resumo do propio tribunal] ordena devolver o asunto ao tribunal previo.
