O Supremo dálle a razón fronte á Xunta a unha membro da igrexa "adventista do Sétimo Día" e recoñécelle o dereito a non facer unha oposición en sábado, xa que esta xornada "na súa igrexa está dedicada á adoración a Deus", segundo o informa o TSXG. A Consellería de Educación desestimou en 2011 a petición da recorrente, que pediu facer outro día da semana un exame da oposición de Educación Infantil convocado para o sábado. O TS sustenta o seu ditame nos acordos do Estado coas Igrexas Evanxélicas.
Fálase
O xornal portugués O jogo reclámalle á prensa española que deixe de referirse ao equipo do Porto como "Oporto". Faino nun artigo sobre o impacto do porteiro madrileño Iker Casillas no club portuense.
A Radio Galega informa do colpaso da A-55 en Mos, sentido Tui, por mor dun accidente.
Eldiario.es amosa nun infográfico os principais datos da violencia machista no Estado nos últimos anos. Pódese consultar nesta ligazón.
A Xunta ratifica que supeditará a súa política exterior á do Goberno central. Faro de Vigo adianta o bosquexo da nova regulamentación, que vai na liña do aprobado polo Executivo de Rajoy en 2013.
Investigan un novo posible caso de violencia machista en Brión, onde un veciño lle prendeu lume ao seu vehículo. O home morreu e a muller, que resultou ferida, afirma que procuraba matala.
Praza Pública non se actualiza as fins de semana de agosto por descanso do persoal. Lémonos o luns!
A bandeira dos EUA volve ondear en Cuba 54 anos despois. O secretario de Estado, John Kerry, realiza unha visita histórica á illa.
Rajoy: "Feijóo é o mellor candidato para presidir a Xunta en 2016". O xefe do Executivo central quere que o actual presidente repita como candidato do PP.
O Concello da Coruña carga contra a campaña da Oktober Fest, que "utiliza a imaxe da muller como reclamo sexual". A Concellería de Igualdade amosa o seu "descontento" pola publicidade do evento, que se celebra en terreos da Autoridade Portuaria.
