Fálase

Feijóo preside ás 10:30 a xuntanza do PP no Parlamento coa incógnita da Presidencia da Cámara sobre a mesa. Cabe agardar que dese encontro saia o nome da nova presidenta ou presidente, posto para o que soa con forza o nome do ourensán Miguel Santalices, actual vicepresidente, se ben tamén se manexan outras opcións como a da deputada Marta Rodríguez Arias.

Un goberno do PSOE con apoio parlamentario de Podemos, IU e PNV é o preferido pola poboación seguido de cerca por un goberno do PP, segundo unha enquisa difundida pola SER.

Este luns comeza o xuízo pola morte de Jimmy, o siareiro do Deportivo presuntamente asasinado por ultras antes dun encontro co Atlético de Madird

Pablo Iglesias retruca de novo a Riobóo que aposta "claramente por En Marea como espazo no que deberemos concorrer ás eleccións en Galicia". Nunha entrevista na SER o líder de Podemos sinala o seu "respecto" pola "opinión de calquera militante", se ben ínstao a "entender que hai unha vontade clara de Podemos de apostar por unha confluencia que se revelou como exitosa" e advírteo de que "a última palabra vaina ter" a militancia.

A alcaldesa de Lugo achégalle este luns a súa proposta de orzamentos á oposición para iniciar as negociacións. Recólleo El Progreso

A Igrexa española financia 13 TV con 10 millóns de euros fronte aos 6 que achega a Cáritas. Cóntao eldiario.es

Iglesias e Sánchez manteñen unha conversa telefónica para iniciaren os contactossobre a eventual negociación do goberno. Ambas forzas cualifican a conversa de "cordial", se ben o secretario xeral do PSOE lle expresou ao de Podemos o seu "desagrado" polo xeito en que formulou a súa proposta de pacto.

Rebelo de Sousa convértese en presidente de Portugal en primeira volta co 52% dos votos. Sampaio Nóvoa, quinto presidente da República en democracia, ficou a piques de poder disputar a segunda volta e o terceiro posto foi para Marisa Matias, do BE. 

Condenan o Sergas pola morte dunha paciente nos corredores do hospital de Ourense. Cóntao La Voz

Marcelo Rebelo de Sousa gaña as eleccións presidenciais portuguesas con ampla marxe. Segundo as distintas sondaxes publicadas o candidato conservador obtería entre o 49% e o 55,7% dos votos, polo que podería evitar a segunda volta. António Sampaio da Nóvoa sitúase entre o 19,3% e o 25%, Marisa Matias entre o 8,8% e o 12,4% e Maria de Belém entre o 2,9% e o 5%.