Un informe interno do Goberno británico revela que o impacto do Brexit será negativo "en calquera escenario". Revelouno Buzzfeed en exclusiva.
Fálase
-
Podemos depurará o seu censo para evitar que persoas inscritas non activas voten nos seus procesos internos. A formación conta con 22.000 persoas inscritas en Galicia, 14.700 consideradas activas, que agora terán que achegar o seu DNI e se lles entregará unha "credencial de compañeiro/a"
O Parlament de Cataluña celebra este martes ás 15 horas a sesión de investidura do novo president da Generalitat. Antes, ás 10 horas, reunirase a Mesa da cámara. E ás 13 horas o Tribunal Constitucional decidirá se levanta a prohibición da posible investidura a distancia de Puigdemont. En todo caso Roger Torrent debería decidir se acata ou non esa prohibición.
O Goberno de Rajoy falou directamente con membros do Constitucional que tiñan que resolver sobre a investidura de Puigdemont. Nesas conversas, previas ao pleno, apelaron a "razóns de Estado" e negan que fosen "presións", segundo El País. Os maxistrados seguiron elaborando os fundamentos xurídicos do ditame despois de facelo público, informa eldiario.es
O Concello da Coruña presenta a programación do Entroido e os carteis da festa, inspirados en disfraces habituais da festa choqueira e en personaxes populares. O concello de Santiago tamén presentou este luns os actos do Entroido e o Meco deste ano.
A columna de fume que sae da refinaría de Repsol na Coruña é atribuída pola empresa á activación dun mecanismo de seguridade tras unha “parada imprevista” das súas instalacións. A empresa fala nun comunicado dun “fallo eléctrico” de “causas todavía descoñecidas”.
A Fiscalía pide non xulgar o PP no caso dos ordenadores de Bárcenas e absolver os demais acusados. Nesta peza contamos hai un tempo que é o 'método Gutmann' ou por que o PP borrou 35 veces os discos duros.
O Observatorio da Mariña pola Igualdade inicia a campaña #NomearmosEnLila, co obxectivo de promover a feminización dos rueiros, nomes de edificios, institucións, asociacións e centros educativos. Destacan que na Mariña, entre 46 centros públicos, só un ten nome de muller: O IES María Sarmiento de Viveiro. A situación é semellante no rueiro de case todas as cidades e vilas
Aprobados inicialmente os orzamentos do Concello de Lugo tras non rexistrarse moción de censura contra a alcaldesa. O Boletín Oficial da Provincia ten que publicar agora as contas que a socialista Lara Méndez ligou a unha cuestión de confianza como paso previo a súa aprobación definitiva tras o período de alegacións. Un eventual goberno alternativo pasaba necesariamente por un pacto do PP coa esquerda.
A Audiencia Nacional autoriza que Díaz Ferrán, ex-presidente da patronal, saia do cárcere por bo comportamento. O empresario xestionaba os autobuses urbanos de Santiago pero en 2010, pouco antes da quebra das súas empresas, vendeullos en secreto a Raúl López, dono de Monbus.
