O Comité Nacional Galego do PSdeG-PSOE aproba unha resolución para apoiar gobernos progresistas en todos os concellos onde se poida constituír unha maioría alternativa ao PP. Gonzalo Caballero anuncia “a oposición máis sólida e contundente” para “construír a mellor alternativa” a Feijóo. Ana Pontón tamén anticipa que onde o PP non teña maioría, o BNG "actuará con responsabilidade" para evitar gobernos de dereitas.
Veciñanza e familiares das 23 homenaxeadas dan os últimos retoques ao Mural das Mulleres, que se inaugurará o vindeiro xoves en Pontevedra. A obra foi realizada por Polo Correo do Vento e Rei Zentolo e inclúe a Amalia Álvarez, Carmen Durán, Ernestina Otero, María Victoria Moreno, Clara López, Mercedes Ruibal e Leonor González (Nené), entre outras pontevedresas
Este venres celebrouse a XIII Marcha a Pé Ferrol–Mugardos, unha protesta anual organizada polo Comité Cidadán que dende 2007 esixe o traslado da planta de gas de Reganosa fóra da Ría de Ferrol, salientando "a ilegalidade e o perigo" da instalación
A Asociación Cultural Lisístrata convoca a primeira edición do primeiro Premio de Oratoria Filomena Dato co obxectivo de promover a expresividade e a expresión do idioma galego e de homenaxear á escritora e pioneira do feminismo galego. O tema escollido é a sororidade
VÍDEO | Ti fai o que eu che diga #3. Volve o agardadísimo Consultorio Vinte con María Lado, Iria Pinheiro e Lucía Aldao. Desta volta, con respostas sobre amantes dunha noite, unllas, literatura erótica, xubilación, política, Instagram... Xa podes velo aquí
Pedro Sánchez xa ten formalmente a encomenda de formar goberno. Iniciará as negociacións con Unidas Podemos e despois falará co PP e Ciudadanos.
Praza Pública participa na tarde deste xoves na biblioteca da Escola de Artes e Oficios de Vigo nunha mesa redonda sobre os xornais dixitais galegos organizada pola Asociación Cultural Pertenza. O acto comeza ás 19.30 horas moderado por Xosé López, catedrático de Xornalismo.
Feijóo conclúe que o "pacto normal" en Ourense sería que o PSdeG "deixe gobernar" a Baltar e que o PP faga o mesmo cos socialistas no Concello. A xuízo do presidente da Xunta, isto implicaría "sentido común" e "respectar as urnas", aínda que o organismo provincial non é votado directamente pola cidadanía. Afirmouno ao remate do Consello da Xunta. (Imaxe: David Cabezón / Xunta)
Santiago acolle na tarde deste xoves a presentación da máis completa biografía de Castelao feita ata gora. Castelao, construtor da nación, de Miguel Anxo Seixas e coeditada polo Consorcio de Santiago e Galaxia, recolle material que estaba en mans privadas. O primeiro tomo, 1886-1930, preséntase ás 19.30 horas no Museo do Pobo Galego.
A borrasca Miguel xa está sobre Galicia. En 4gotas explican polo miúdo as súas posibles consecuencias e algunhas das curiosidades ligadas a este fenómeno meteorolóxico.
