CUAC FM volve ás ondas ás 13.34 horas deste sábado no dial 103.4 da FM coruñesa. O TSXG anulou esta semana a prohibición da Xunta de seguir emitindo. Ampliamos aquí a información sobre a programación especial deste sábado.
Fálase
-
Gonzalo Caballero xa é oficialmente o candidato do PSdeG á presidencia da Xunta. A comisión de garantías electorais dos socialistas vén de proclamalo este venres tras constatar que non houbo outros aspirantes. O PSdeG é a primeira das grandes formacións que xa ten candidato.
O bispo de Ourense, Leonardo Lemos, carga contra a participación da infancia en festas de Samaín ou Halloween por "rir da morte", que é algo "moi serio". Recólleo a edición ourensá de Faro de Vigo
Insultos na galería do autor que fixo unha pintada na tumba de Franco. O establecemento considérao "unha manifestación dun sentimento contrario" e dirá que a manterá no escaparate unha semana "a modo de performance".
O xuíz que encarcerou a Lula será o ministro de Xustiza do ultradereitista Bolsonaro. Sérgio Moro condenou a Da Silva por corrupción pasiva e lavado de diñeiro.
Cuac FM retoma este xoves as súas emisións en FM, aínda en probas, logo de que o TSXG anulase a decisión de Xunta e permitise emitir á radio comunitaria. A volta oficial ás ondas será este vindeiro sábado ás 13:34 horas.
Falece o pai de Mariano Rajoy aos 97 anos. Mañá en Pontevedra terá lugar o enterro de Mariano Rajoy Sobredo, fillo de Enrique Rajoy Leloup, secretario da Comisión Redactora do Estatuto de Galicia nos anos 30.
O Goberno central accede a negociar xa o traspaso das competencias de tráfico e seguridade vial a Navarra. Así o confirmou Pedro Sánchez nunha xuntanza coa presidenta desa comunidade, Uxue Barkos. O Parlamento galego aprobou en 2008 por unanimidade unha lei para que esas competencias chegasen a Galicia, o que suporía o despregamento da Policía galega. Foi tombada no Congreso en 2010.
“Atenção. Tudo é perigoso. Tudo é divino maravilhoso. Atenção para o refrão: É preciso estar atento e forte, não temos tempo de temer a morte”. Caetano Veloso divulga unha lista de históricas cancións protesta brasileiras para facer fronte a Bolsonaro.
VÍDEO | O artista galego Enrique Tenreiro pinta a frase "por la libertad" sobre a lápida de Franco no Valle de los Caídos. "É o meu gran de area para aliviar a dor dos perdedores dunha guerra civil que non debeu producirse", afirma.