Insultos na galería do autor que fixo unha pintada na tumba de Franco. O establecemento considérao "unha manifestación dun sentimento contrario" e dirá que a manterá no escaparate unha semana "a modo de performance".
Fálase
-
O xuíz que encarcerou a Lula será o ministro de Xustiza do ultradereitista Bolsonaro. Sérgio Moro condenou a Da Silva por corrupción pasiva e lavado de diñeiro.
Cuac FM retoma este xoves as súas emisións en FM, aínda en probas, logo de que o TSXG anulase a decisión de Xunta e permitise emitir á radio comunitaria. A volta oficial ás ondas será este vindeiro sábado ás 13:34 horas.
Falece o pai de Mariano Rajoy aos 97 anos. Mañá en Pontevedra terá lugar o enterro de Mariano Rajoy Sobredo, fillo de Enrique Rajoy Leloup, secretario da Comisión Redactora do Estatuto de Galicia nos anos 30.
O Goberno central accede a negociar xa o traspaso das competencias de tráfico e seguridade vial a Navarra. Así o confirmou Pedro Sánchez nunha xuntanza coa presidenta desa comunidade, Uxue Barkos. O Parlamento galego aprobou en 2008 por unanimidade unha lei para que esas competencias chegasen a Galicia, o que suporía o despregamento da Policía galega. Foi tombada no Congreso en 2010.
“Atenção. Tudo é perigoso. Tudo é divino maravilhoso. Atenção para o refrão: É preciso estar atento e forte, não temos tempo de temer a morte”. Caetano Veloso divulga unha lista de históricas cancións protesta brasileiras para facer fronte a Bolsonaro.
VÍDEO | O artista galego Enrique Tenreiro pinta a frase "por la libertad" sobre a lápida de Franco no Valle de los Caídos. "É o meu gran de area para aliviar a dor dos perdedores dunha guerra civil que non debeu producirse", afirma.
A Audiencia de Ourense condena o BBVA, o Banco Santander e a súa filial Open Bank como responsables civís subsidiarios dunha estafa "polas súas escasas medidas de seguridade". Segundo o tribunal, esta carencia de medidas favoreceu que un home roubase cartos do seu tío avó, que vivía no estranxeiro, mediante compras por internet, retiradas de efectivo e transferencias. O BBVA ten que indemnizalo con 61.696’10 euros, o Santander con 29.764’03 e Open Bank, con 13.660’64 euros
O Ministerio de Sanidade prohibe a venda de milleiros de produtos homeopáticos no marco do proceso que determinará se 2.008 destes preparados poden ser ou non comercializados.
O XXIV Premio San Clemente Rosalía Abanca vai para Marcos Calveiro (por O xardineiro dos ingleses), Pedro Mairal (La uruguaya) e Han Kang (A vexetariana) nas categorías de lingua galega, castelá e estranxeira. O xurado estivo formado por alumnado de varios institutos.
