O Deportivo feminino continúa líder da Primeira División feminina tras golear o Rayo Vallecano (3-0). O equipo galego mantense invicto malia debutar esta temporada na elite.
Fálase
-
Hoxe hai aviso amarelo por chuvias intensas nas provincias da Coruña, Ourense e Pontevedra. A primeira borrasca de outono deixouse sentir xa durante a madrugada con importantes precipitacións.
O BNG presenta a súa campaña cara ao 10N, baixo o lema "Facer valer Galiza. Con voz propia". A formación nacionalista cre que "os galegos tomaron boa nota do que significa a invisibilidade de Galiza e as consecuencias que ten".
O Supremo condenará os líderes do procés por sedición e malversación e a maior condena será para Oriol Junqueras, que sería condenado a case 15 anos de cadea, segundo adianta a Cadena SER.
A Xunta proxecta imaxes de dúas grandes bandeiras de España na fachada do complexo de San Caetano. O Goberno galego especifica que o fai "con motivo da celebración do Día da Festa Nacional de España". Este sistema de iluminación foi estreado pola Xunta na noite do pasado 24 de xullo, cando proxectou o escudo galego na véspera do Día Nacional de Galicia, aínda que sen utilizar esta denominación oficial.
Enfermeiras eventuais volven concentrarse nos hospitais galegos "por unha sanidade pública de calidade" e "contra a precariedade". Un último estudo publicado advirte que máis dun terzo do persoal de enfermería é eventual.
As auxiliares admiten todos os despedidos e o persoal pon fin á folga no naval en Ferrol logo de tres semanas. A UTE Tecman-Rayma e o comité alcanzan un acordo para a readmisión dos sete traballadores
O que arde chega hoxe ás salas comerciais. O filme de Oliver Laxe estréase finalmente nunha vintena de cinemas galegos e nun total de 49 en todo o Estado
A Xunta publica no DOG os dez domingos e festivos nos que poderán abrir os establecementos comerciais durante 2020. O primeiro será o 5 de xaneiro.
Os líderes independentistas cataláns xulgados no Supremo serán condenados por sedición pero non por rebelión, segundo fontes xudiciais que citan este venres os xornais Ara e El País. O vindeiro luns, día 14, cobra forza como data na que será coñecida a sentenza.
