Máis de 70 mil persoas asinaron xa unha petición online para que os xogadores da selección española de fútbol entreguen a fins sociais os cartos das primas gañadas ao longo da Eurocopa. A prima podería chegar a 300 mil euros por xogador, no caso de gañar a final do domingo.
Fálase
Turquía desprega tropas na fronteira con Siria nun día no que aumenta a tensión do país, coa explosión de dúas potentes bombas no centro de Damasco
O BNG da Coruña reclama a retirada do título de fillo predilecto a José Luis Méndez, ex director de Caixa Galicia, pola súa "pésima xestión da entidade, a comercialización de produtos financeiros complexos como as preferentes, a súa conduta desde o ano 2007 ou o cobro dun plan de pensións e indemnizacións multimillonarias".
Os líderes europeos pedirán a España que suba o IVE, elimine a dedución por vivenda e atrase a idade de xubilación. Farano no cumio que comeza este xoves e que esixirá ao Estado medidas para corrixir os seus desequilibrios económicos.
O BNG reivindica a "soberanía" para Galicia fronte á crise na conmemoración do aniversario do Estatuto do 36. Máis información, esta mañá en Praza.
A asemblea nacional constituínte para un Novo Proxecto Común xa conta cunha páxina web habilitada de cara ao cónclave que se celebrará o 14 de xullo en Santiago de Compostela.
A Plataforma contra o Malgasto convoca unha concentración en Ferrol para protestar contra a aprobación dunha nova remodelación na Praza de España da cidade, cun custe de 700 mil euros, que se engaden aos máis de 16 millóns gastados nas obras dende que comezaron hai máis dunha década.
O 65% dos cataláns votaría a favor da independencia nun hipotético referendo, segundo unha enquisa do Centre d'Estudis d'Opinió, dependente da Generalitat. O sentimento é unánime entre os votantes de ERC e maioritario nos de CiU (64,5%) e ICV (53,2); un 29% dos votantes do PSC tamén votarían a favor. A enquisa inclúe tamén unha estimación de voto, e amosa un descenso de CiU, PSC e PP e un ascenso de ERC e ICV.
A factura da luz subirá un 4% no vindeiro mes de xullo. O ministro Soria insiste en que non se pode reducir o seu prezo.
O diario El País revela que boa parte do Plan Estratéxico do Gaiás está copiado doutras publicacións sobre equipamentos culturais e mesmo da Wikipedia