Ferido un axente forestal que traballaba no operativo de extinción dun incendio no Incio. O traballador "sufriu un accidente co seu vehículo todo terreo" nunha pista forestal, segundo informa o 112, que indica que "a vítima foi evacuada en helicóptero medicalizado" ao hospital. Este incendio afecta a máis de 20 hectáreas de monte, segundo Medio Rural. (Imaxe tomada pola Brif de Laza).
VÍDEO | O concurso Youtubeir@s achégase á súa fase final recibindo vídeos como este tutorial para "facer patacas de bolsa caseiras". O prazo de recepción de vídeos deste proxecto, concibido para espallar a lingua galega no popular portal de vídeos, remata este 28 de abril. Podes repasar aquí unha ducia dos vídeos participantes.
“O hospital de Ferrol non podía seguir así”, di Feijóo ao anunciar a ampliación nun 35% da superficie do Arquitecto Marcide con dous novos edificios. “Lamento non ter diñeiro para actuar antes”, engadiu o presidente, quen nos últimos anos veu reiterando que Galicia goza na actualidade de "máis sanidade pública ca nunca".
Bruxelas leva a España ante a xustiza polas cláusulas abusivas da banca. A Comisión repróchalle que non aprobara aínda a reforma hipotecaria.
Unidos Podemos e as súas confluencias anuncian que promoverán unha moción de censura contra Mariano Rajoy por mor dos últimos casos de corrupción. Así o veñen de anunciar nunha rolda de prensa no Congreso, na que avanzan o inicio de "xuntanzas" con outras forzas. A "excepcionalidade" fai necesario "sacar o PP do goberno" e "presentar unha alternativa", manteñen.
O paro aumentou en case 13.000 persoas en Galicia no primeiro trimestre, son 10.400 menos que hai un ano. No mesmo período o país perdeu 16.000 empregos, se ben a Enquisa de Poboación Activa reflicte 12.500 máis que no mesmo trimestre de 2016. A suba trimestral do desemprego no conxunto do Estado é de 17.200 persoas. Toda a información, esta mañá en Praza.gal.
A dirección do PP coñecía dende 2014 a existencia dunha conta en Suíza do do ex-presidente de Madrid, Ignacio González. Recólleo eldiario.es
Comeza o prazo de solicitude das axudas para cultivos afectados pola couza da pataca. O seu importe é de ata 70 céntimos por quilo. Recólleo Faro de Vigo
O alcalde do Porto ratifica a súa intención de implantar unha taxa turística se é reelixido. "Deve ser utilizada para mitigar a pegada turística" e "garantir que os moradores do Porto têm acesso à habitação a preço decente" na zona histórica, explica Rui Moreira nunha entrevista co xornal Público, na que especifica que non a aprobou xa no actual mandato "porque não estava no meu programa eleitoral". A Xunta considerou o pasado marzo que esa taxa "non interesa" para Galicia.
O xefe de Anticorrupción pide ao fiscal que investiga a presunta corrupción do PP en Madrid que renuncie á súa praza e el négase. Está a contalo eldiario.es