Este venres Praza Pública non se actualiza por descanso do persoal. Pero ti podes seguir léndonos.
Fálase
-
Galicia estará este venres baixo aviso laranxa por temporal en toda a costa, amarelo por neve na montaña de Lugo e Ourense e por vento en todo o país.
Telegram cae en zonas de Europa e Oriente Medio, segundo informa a compañía, que di traballar para resolver “pronto” a incidencia.
A axenda institucional da Xunta para este xoves só inclúe procesións. Os titulares de Política Social e Mar asistirán a dúas distintas en Ferrol e a directora de Turismo e o delegado da Xunta en Lugo a outra en Viveiro.
Os días festivos desta Semana Santa comezan este xoves con aviso amarelo por ondas no litoral da Coruña e Pontevedra e por neve nas montañas de Lugo e Ourense. A situación empeorará no mar o venres.
A militancia de Podemos en Galicia aproba que o partido concorra aliado con outras forzas ás eleccións municipais. A formación vén de facer públicos os resultados do seu referendo interno. No gráfico, os resultados das sete cidades; as cifras completas dos municipios galegos e do resto do Estado nos que se celebrou a votación poden ser consultados nesta ligazón.
O alcalde de Friol, José Ángel Santos (PP), pide a dimisión do conselleiro de Política Social, José Manuel Rey Varela, por "ignorar" o municipio e "non cumprir" os dous principais proxectos da Consellería na vila: construír unha residencia de maiores e reformar un centro sociocultural. Recólleo El Progreso.
Un condutor de autobús entre Madrid e Lugo recibe unha reclamación por avisar de que o vehículo ía parar en Pedrafita do Cebreiro. Segundo o autor da protesta, o motivo é que pronunciou o topónimo "en galego", sinala o traballador.
O PNV advirte de que non negociará os Orzamentos do Estado co PP mentres o 155 siga vixente en Catalunya. Recólleo eldiario.es
A CIG celebrou este martes unha asemblea con persoal de Servicarne que traballa nas instalacións de Frigolouro no Porriño para informar sobre a resolución da Inspección de Traballo que obriga a falsa cooperativa a dalos de alta no réxime xeral de Seguridade Social. Os traballadores e traballadoras deberán presentar reclamacións individuais para que lles devolvan as cotas de autónomo/a. A industria cárnica galega estaba a cometer unha fraude con ao redor de 1.500 falsos autónomos e autónomas.
