“Teño que manter a calma porque se non pode que me equivoque”, di Rajoy nunha entrevista en El País. O presidente e o secretario xeral do PSOE veñen evitando as roldas de prensa durante a crise catalá.
Fálase
-
A xefa de prensa de Rajoy agradece aos medios o seu papel no conflito catalán. A secretaria de Estado de Comunicación, Carmen Martínez Castro, salientou nunhas xornadas organizadas pola FAPE e a fundación La Caixa, que “os medios están realizando unha labor extraordinaria”.
VÍDEO | Así soou a Muiñeira de Lugo no intento celebrado este sábado en Mesía, na parroquia de San Antonio de Olas, de bater o récord Guiness de maior número de gaitas tocando ao tempo. Quedáronse a 50 gaiteiro de lograr a cifra de 333 congregados en Bulgaria.
Unha concentración ante o Parlamento protestou esta mañá contra a Lei de fomento da implantación de iniciativas empresariais proposta polo PP, que cualifican de "Lei de Depredación". Unha vintena de colectivos sociais alertan de que a norma prexudicará o rural galego e limitará a capacidade futura de opoñerse a proxectos agresivos para o territorio. Imaxe: @donicela22
Carles Puigdemont comparecerá o martes ante o Parlament. Acudirá á Cámara a valorar a "situación política actual" logo de que o Constitucional suspendese o pleno para falar do referendo.
A campaña internacional para prohibir as armas nucleares, Nobel da Paz de 2017. Na actualidade existen unhas 15.000 armas deste tipo no mundo
A Fiscalía non pide medidas cautelares para ningún dos imputados por sedición e achega nova documentación sobre as mobilizacións do 20 e 21 de setembro.
Paralizada por segundo día consecutivo a actividade dos estaleiros de Navantia na ría de Ferrol. A folga indefinida das auxiliares que se iniciou onte, convocada pola CIG, impide o funcionamento aos dous centros de traballo.
Policías nacionais piden "desculpas" pola actuación do 1-O e recoñecen "excesos" ante unha "intervención mal dirixida". Fano nunha carta dirixida a El Periódico.
Masiva manifestación na Mariña contra a supresión da súa área sanitaria que pretende a Xunta coa nova Lei de Saúde. As protestas sucédense nas comarcas afectadas polo proxecto que prepara o Goberno galego.
