O Estado declara o Entroido "Manifestación Representativa do Patrimonio Cultural Inmaterial", ao mesmo nivel que a Semana Santa. O Real Decreto sobre a distinción á festa entroideira e mais o referido á celebración relixiosa publícanse este martes no Boletín Oficial do Estado.
A campaña de crowdfunding de Oncomet superou os 500.000 euros que buscaba para desenvolver a análise de biopsia líquida, técnica de vangarda na loita contra o cancro. Podes repasar as entrevistas que lles realizamos a dous dos responsables deste grupo de investigación compostelán: Rafael López e Miguel Abal
La Gaceta entrevista a Francisco Vázquez polo seu cumpreanos. O ex alcalde coruñés destaca que "Marine Le Pen non é extrema dereita, é patriotismo" e acusa a Lei de Memoria Histórica de poñer en cuestión o relato da Transición. Ademais, afirma que en Galicia "hai unha exclusión de toda a realidade non nacionalista" e alerta de que "os radicais de extrema esquerda" copan as alcaldías das principais cidades galegas
A foto dun incendio en Cotobade, 'fotografía do ano' para un prestixioso premio de Portugal. O fotoxornalista vigués Felipe Carnotto foi o autor da imaxe premiada co Estação Imagem. Cóntao PontevedraViva.
Os empregados de limpeza de Lugo, de folga indefinida desde o día 18. Sindicatos e patronal lucense si aceptaban a oferta do mediador, pero a asociación estatal de empresas do sector non a asumiu.
A Xunta deixou sen gastar o pasado ano máis de 200 millóns en investimentos. Executáronse oito de cada dez euros orzamentados para obras e infraestruturas.
António Costa: "En Portugal demostramos que é posible mudar o goberno e a política dentro do marco europeo". O primeiro ministro luso fala nunha entrevista para El País.
Corea do Norte di estar "lista para a guerra" logo do despregamento naval "insensato" dos EUA. O réxime de Kim Jong-un advirte de "consecuencias catastróficas".
Recuperan do mar o corpo sen vida do mozo de 17 anos que desapareceu mentres se bañaba na praia coruñesa do Orzán
Salvamento Marítimo, Policía e Bombeiros buscan un mozo desaparecido na praia do Orzán da Coruña mentres nadaba. Está a contalo a TVG
