O persoal de RTVE en Galicia vólvese sumar a un novo Venres negro para protestar contra a manipulación nos medios públicos e esixir que o PP deixe de bloquear no Congreso a renovación da dirección da corporación estatal. Desta volta portaron tamén mandos a distancia para evidenciar que a solución non é "cambiar de canle", como suxeriu o ministro Montoro. En 2012 o Goberno de Rajoy mudou a lei para controlar o ente a través da súa maioría absoluta.
A futbolista galega Verónica Boquete reitera os seus azos a Lola, a xogadora de 5 anos da SD Esclavitud á que outro neno criticou por xogar ao fútbol: "Díxoche que o fútbol non é para nenas, pero grazas a ti xa sabe que non é certo", sinala a xogadora internacional dende a China, onde agora xoga no Beijing BG.
Puigdemont designa a Quim Torra como novo candidato á presidencia da Generalitat. Torra é deputado de JxCat e ex-presidente de Òmnium. Non está imputado e, se non hai sorpresas, será elixido en segunda votación.
Un incendio queima máis de 20 hectáreas en Cenlle (Ourense). O lume, que se declarou ás 13.30 horas, está estabilizado pero aínda non controlado
O Teatro Principal de Pontevedra acolle este sábado 12 un acto de recoñecemento á Asociación pola Defensa da Ría no seu 30 aniversario. Intervirán algúns dos seus fundadores e fundadoras e haberá actuacións musicais e recitais poéticos.
A Deputación da Coruña impulsa este venres un programa de radio aberto ao público, feito por nenos e nenas de 7 a 12 anos, centrado na figura de María Victoria Moreno. A área de Cultura da Deputación está a difundir ademais un vídeo interactivo con dez preguntas ao redor da escritora.
Vigo, A Coruña, Ourense ou Ferrol acolleron concentracións estudantís en protesta contra a sentenza do xuízo de La Manada, convocada polo Sindicato de Estudiantes. Vídeo: Galiza Contrainfo
O Concello de Ferrol aproba os seus orzamentos para 2018 cos votos a favor de Ferrol en Común, PSdeG e BNG e en contra de PP e Cs
A Asociación Cultural Os Penoucos lanza o Mapa do Patrimonio de Padrón, incluído dentro do proxecto colaborativo Patrimonio e paisaxe(s) do Baixo Ulla. Só en Padron inclúense 642 elementos, dende castros, igrexas, cruceiros ata hórreos, pontes ou paisaxes e o mapa conxunto suma máis de dous mil bens patrimoniais. O proxecto comezou hai uns meses co Mapa do Patrimonio de Valga.
Fariña emitiu onte o seu derradeiro capítulo, superando os dous millóns de espectadores/as en todo o Estado (13,3% de share) e cunha referencia na súa despedida ao secuestro do libro de Nacho Carretero. En Galicia a serie moveuse entre o 40% e o 46% da audiencia ao longo dos últimos meses.
