A Defensora do Pobo tamén urxe o Goberno a que pare os desafiuzamentos. Reclámalle unha moratoria para frear a execución dos casos nos que as familias teñan dificultades.
Fálase
O PSE di que o PNV xa lle comunicou que gobernará en solitario. Os socialistas non chegaron a acordo ningún cos nacionalistas na súa segunda xuntanza, segundo Diario Vasco.
As Novas Xeracións do PP expedientan unha militante de Vigo despois de afirmar en Twitter que a homosexualidade precisa "cura". Andrea Hermida, coñecida polas súas polémicas nesta rede social, borrou o seu perfil.
Rubalcaba reclama por carta aos bancos que suspendan os desafiuzamentos. O secretario xeral do PSOE envía unha misiva á CECA e á AEB solicitando a paralización de todos eles.
Esperanza Aguirre cre que a folga xeral debería estar prohibida polo seu "carácter político". A presidenta do PP de Madrid considera no seu blog que "coa lexislación actual" os paros deste tipo deberían eliminarse.
Segundo fontes xudiciais, a hipoteca da muller de Barakaldo que decidiu suicidarse antes de ser desafiuzada estaba subscrita con La Caixa. En El Diario
Bankia accede a concederlle un alugueiro social a unha muller e non desafiuzala despois de que o Concello de Tenerife ameazase a entidade con retirar todos os fondos que ten ingresados nela. Na web de Europa Press.
Artur Mas anuncia que na primeira sesión do Parlamento catalán despois do 25N proporá unha declaración sobre o dereito a decidir. Pero engade que esta declaración non incluirá unha data concreta para a celebración dun referendo de autodeterminación.
O Goberno convoca unha reunión urxente sobre os desafiuzamentos tras o suicidio dunha muller en Barakaldo. Participarán representantes dos ministerios de Vicepresidencia e Economía para ultimar de maneira inmediata unha proposta de periodos de carencia.
Alertan de que están a piques de botar abaixo o Centro Social Ocupado A Casa do Vento en Compostela. Un grupo de escavadoras xa está no lugar.