O sector do transporte vivirá unha nova xornada de folga este mércores, a cuarta. A Xunta limítase a pedir que cesen as protestas e non accede a modificar a súa proposta, que rexeitan empresas e sindicatos.
Fálase
O pequeno comercio critica a El Corte Inglés e Inditex por adiantar as rebaixas. O vicepresidente da Confederación Española de Comercio alerta de que "isto é a selva"
O Tribunal de Xustiza da UE cre que algunhas axudas fiscais á Igrexa poden ser delito. Porén, a sentenza apenas afectará aos privilexios dos que goza a estrutura eclesiástica, pois as exencións fiscais están incorporadas aos acordos co Vaticano, con rango de tratado internacional, só interpretables polas partes
O BNG pide condenar un "ataque homófobo" contra un mozo no que, denuncia, participou a alcaldesa de Forcarei. Segundo a formación, traballadores municipais apostaron unha cea se un deles era quen de bicar na boca un rapaz que traballaba na organización da Festa do Orgullo
O Pladiga deste ano recolle un medio aéreo menos para a campaña de alto risco de incendios que os que houbo nos catro anos anteriores. O plan será aprobado este xoves
A Torre de Hércules celebrou, iluminada de azul, o seu oitavo aniversario como Patrimonio da Humanidade
Grupos ecoloxistas desmenten o bulo que nos últimos días creceu nas redes sociais sobre a posibilidade de recualificar o terreo queimado no incendio de Doñana ao abeiro da Lei de Montes de 2015
Pablo Iglesias e Pedro Sánchez reuniranse este martes no Congreso por primeira vez tralo regreso deste á Secretaría Xeral. A votación do CETA e a negociación do teito de gasto serán os temas máis inminentes que se debaterán
O Sindicato dos Jornalistas de Portugal cuestiona a El Mundo sobre a existencia da persoa que asinou as súas informacións do incendio de Pedrógão Grande. As novas, moi críticas co Goberno de Portugal, levaban a sinatura de Sebastião Pereira, e diversos medios do país veciño destacan que o diario editado por Unidad Editorial ofreceu diversas versións sobre a súa identidade ata afirmar que se trata dun pseudónimo. A controversia comezou ao fío deste post da páxina Os truques da imprensa portuguesa
Juan Carlos Escotet releva a Javier Etcheverría na presidencia de Abanca. Comunicárono na xunta de accionistas celebrada esta mañá na Coruña. O Banco Etcheverría, con sede en Betanzos, fora comprado polo venezolano Banesco de Escotet antes de facerse cos restos das caixas galegas.
