Praza Pública segue presente no Culturgal na súa última xornada, este domingo, compartindo espazo co escritor xornalista e humorista Carlos Mexide.
Fálase
-
O Porto de Vigo rexistra desde o verán seis intentos de embarcar como polisóns en buques con destinos fóra da Unión Europea. O Faro de Vigo conta que os interceptados foron seis albaneses e o obxectivo maioritario era chegar a Canadá.
O xulgado arquiva a causa por delitos de suborno e contra a ordenación do territorio que pesaba sobre Telmo Martín. A denuncia por unha construción en Portonovo databa de 2006, durante a anterior etapa de Martín como alcalde de Sanxenxo, cargo ao que volveu hai medio ano.
O PSdeG celebra este domingo primarias para renovar as súas direccións provinciais en Pontevedra e Lugo tras a elección de Gonzalo Caballero á fronte do partido en Galicia. En Lugo uns 2.100 afiliados poden elixir entre o portavoz na Deputación, Álvaro Santos; o alcalde de Castroverde, José María Arias; e a tenente de alcalde de Burela, Patricia Otero. En Pontevedra 2.800 militantes elixen entre o concelleiro vigués David Regades e o veterano redondelán Eduardo Reguera. Na Coruña e Ourense as primarias serán o 17 de decembro.
O Bestiario do Vestiario, no Galicia en Goles da Radio Galega. Martiño Suárez fala da serie de historias deportivas que Praza.gal publica cada luns. Aquí podes escoitar o podcast.
Pontevedra acolle ata o domingo o Culturgal, que chega á súa décima edición. Praza.gal está presente compartindo espazo co escritor, xornalista e humorista Carlos Mexide.
A Plataforma pola Defensa do Tren A Coruña e As Mariñas realizou este sábado unha viaxe a Ferrol en reivindicación dun tren de proximidade cuxo custo cuantifican en 1,2 millóns ao ano.
Marina Mayoral ingresa como académica de honra na Real Academia Galega. A escritora pronuncia un discurso (descárgao aquí) sobre os motivos de Murguía para destruír as cartas de Rosalía: “El construíra a imaxe dunha Rosalía mártir. Para completar o seu labor de enaltecemento só lle faltaba destruír as cartas, nas que debía de aparecer unha Rosalía que non se axustaba a esa imaxe”.
Fomento acelera agora a mellora da seguridade ferroviaria iniciada tras o accidente de Angrois e que puido evitar o do Porriño de hai un ano. O Goberno decidiu este venres adiantar a substitución do sistema Asfa analóxico polo dixital, que frea un tren con exceso de velocidade aínda que o maquinista non o faga.
O PP baleirou o 90% do peto das pensións, que a finais de 2011 achegábase aos 67.000 millóns e que agora apenas supera os 8.000. eldiario.es analiza a súa evolución.
