Fin da xornada na 2ªB de fútbol para os equipos galegos: Fabril e Celta xogarán a fase de ascenso, que non logrou acadar o Rápido de Bouzas. O Pontevedra logra a permanencia e o Coruxo optará a ela na eliminatoria por non descender. O Racing de Ferrol, no entanto, non logra esquivar o descenso. Estes foron os resultados:
Toledo 0-0 Fabril
Celta B 4-4 Guijuelo
Rápido de Bouzas 0-0 Navalcarnero
Atlético B 0-2 Pontevedra
San Sebastián de los Reyes 2-4 Coruxo
Rácing de Ferrol 3-3 Rayo Majadahonda
A CUP manten a abstención e facilitará este luns a investidura de Quim Torra como novo presidente da Generalitat de Catalunya. Así o decidiu este domingo o consello político da formación.
O Concello de Lugo abre unha nova votación para elixir o cartel do San Froilán 2018 entre 17 propostas. Pódese votar a través da web das festas.
Quim Torra non logra a investidura como presidente da Generalitat de Catalunya na primeira votación. Torra obtivo 66 votos de JxCat e ERC, mentres que a CUP se abstivo e o resto de grupos votaron en contra. A seguinte votación celebrarase o luns.
A galega Susana Rodríguez logra a medalla de ouro na Serie Mundial de Paratríatlon de Yokohama xunto á súa guía Paula García Godino. Vídeo difundido pola Federación Galega de Triatlón.
ENQUISA O PP perdería a maioría absoluta en Galicia pero podería reter o poder mediante un pacto con Ciudadanos, segundo un inquérito divulgado este sábado pola consultora SyM Consulting a través das súas redes sociais.
A Coruña acolle este mediodía unha concentración "pola devolución gratuíta" dos terreos portuarios á cidade baixo o lema A Coruña non se vende. A mobilización, promovida pola Comisión Aberta en Defensa do Común, cadra con oito convocatorias máis noutros puntos do Estado.
O persoal de RTVE en Galicia vólvese sumar a un novo Venres negro para protestar contra a manipulación nos medios públicos e esixir que o PP deixe de bloquear no Congreso a renovación da dirección da corporación estatal. Desta volta portaron tamén mandos a distancia para evidenciar que a solución non é "cambiar de canle", como suxeriu o ministro Montoro. En 2012 o Goberno de Rajoy mudou a lei para controlar o ente a través da súa maioría absoluta.
A futbolista galega Verónica Boquete reitera os seus azos a Lola, a xogadora de 5 anos da SD Esclavitud á que outro neno criticou por xogar ao fútbol: "Díxoche que o fútbol non é para nenas, pero grazas a ti xa sabe que non é certo", sinala a xogadora internacional dende a China, onde agora xoga no Beijing BG.
Puigdemont designa a Quim Torra como novo candidato á presidencia da Generalitat. Torra é deputado de JxCat e ex-presidente de Òmnium. Non está imputado e, se non hai sorpresas, será elixido en segunda votación.
