O reconto do voto emigrante en Ourense non move o reparto de escanos do 25S. O PP mantén o seu noveno deputado ourensán e, polo tanto, o PSdeG non suma o décimo quinto representante no Parlamento. Máis información, hoxe en Praza.
Fálase
-
QuerENDO, a asociación que agrupa as mulleres galegas que sofren endometriose, denuncia -xunto con entidades doutros territorios do Estado- a falta de compromiso do Ministerio de Sanidade coas súas demandas. "O Ministerio non considera unha prioridade unha enfermidade que afecta a cerca de dous millóns de persoas. Nin se compromete a facer un estudo epidemiolóxico sobre a mesma", denuncia.
Este 3 de outubro celébrase o centenario do nacemento en Ferrol de Ángeles Alvariño, precursora da oceanografía en España e pioneira no seu campo, cun traballo moi destacado en centros de investigación dos Estados Unidos ou México. O pasado ano foille dedicado o Día da Ciencia en Galicia
A pesar do esmagador triunfo (95%) da posición contraria á acollida de refuxiados e refuxiadas, o referendo realizado en Hungría non terá validez legal, ao non chegar ao 50% de participación (ficou no 45%). O sistema de reparto da UE prevé que o país reciba a 1.294 solicitantes de asilo.
O colectivo ultracatólico 'Hazte Oir' gábase do éxito da súa campaña homófoba tras lograr a retirada dun anuncio de 'El Corte Inglés' que amosaba dous homes a preparar os libros escolares dos seus fillos. O vídeo aínda pode verse nesta ligazón.
O Celta imponse por 4-3 ao Barça e enche Balaídos de euforia
O "non" ao acordo de paz coas FARC gaña o referendo en Colombia por pouco máis do 50% dos votos.
Este luns recóntase o voto emigrante coa dúbida de se o PSdeG é quen de acadar o seu escano 15 e adiantar a En Marea. Neste momento o derradeiro escano en Ourense corresponde ao PP por só 135 votos. Os socialistas necesitan obter a terceira parte dos sufraxios exteriores que os populares teñan na provincia máis eses 135 votos. Cos datos do 26X e o 20D, quedarían ás portas.
Temor no PSOE á fortaleza negociadora de Rajoy fronte a unhas terceiras eleccións. Os populares xa non se conforman coa abstención dos socialistas e piden garantías de gobernabilidade.
A Comisión Europea sinala “deficiencias” no saneamento da ría do Burgo. Seguirá vixiando o plan de saneamento previsto ata 2021.