O PP pregunta formalmente ao Goberno central no Congreso se as lentes de sol que portaba Pedro Sánchez en varias fotografías "son graduadas". A iniciativa do deputado Carlos Floriano, que avanzou a xornalista María Pérez Laya a través da súa conta de Twitter, recóllena a axencia EFE e eldiario.es
Feijóo reúnese este martes en Lisboa co presidente de Portugal, Marcelo Rebelo de Sousa. Antes, este luns, Pedro Sánchez mantén un encontro co primeiro ministro, António Costa, tamén na capital portuguesa.
O xornalista Andrés Gil confirma a súa renuncia á posibilidade de optar á presidencia de RTVE. Detállao neste artigo en eldiario.es
Andrés Manuel López Obrador gaña as eleccións en México e leva a esquerda ao poder no país por primeira vez. "Primeiro, os pobres", proclamou o novo presidente mexicano, quen situou a "erradicación da corrupción" como prioridade.
4gotas destaca que a intensidade da chuvia caída este sábado na Coruña (28 l/m2 nunha hora e 20 l/m2 en media hora) foi a máis alta dende, cando menos, 2007. Acompaña a información dun gráfico no que compara a tromba de onte cos meirandes episodios de chuvia intensa dos últimos
México celebra este domingo eleccións presidenciais, co esquerdista Andrés Manuel López Obrador situado como gran favorito para obter a vitoria, amosando as últimas sondaxes publicadas unha diferenza ao seu favor de entre 14 e 32 puntos sobre os candidatos de PRI e PAN. Os primeiros resultados coñeceranse durante a madrugada
Este sábado caeron case seis mil raios en toda Galicia. Só entre as 12 e as 14 horas caeron máis de dous mil, segundo os datos de Meteogalicia. En canto ás chuvias, na Coruña caeron case 28 litros por metro cadrado entre as 17 e as 18 horas, con 20 litros acumulados en só media hora
O Sergas agrupa en 23 centros os e as pediatras de 47 concellos de Pontevedra ante a imposibilidade de cubrir as vacantes por vacacións. Asociacións do sector calculan que se necesita a contratación de 40 profesionais para solucionar as eivas actuais, que se agravan no verán e que son especialmente negativas en Vigo.
A irmá de John Lennon, que está a facer o Camiño Inglés dende A Coruña, visitou a estatua que o beatle ten nos Cantóns. Unhas 150 persoas cantaron o "Give peace a chance"
O Goberno central autoriza o Open Arms a desembarcar en Barcelona as 60 persoas rescatadas. No buque, que evitou que morresen afogadas fronte ás costas libias, viaxa a eurodeputada Ana Miranda.
