Boiro acollerá o vindeiro 10 de xuño unha homenaxe a Fran Pérez Narf. Pola Pousada das Ánimas pasarán unha vintena de artistas, como Cheny Wa Gune, Joao Gentil, Sergio Tannus, Guadi Galego, Grupo Chévere con Miguel de Lira ou Xoan Curiel. As entradas teñen un prezo entre os 10 e os 15 euros.
CC.OO. trasládalles a UGT e CIG unha proposta de unidade de acción sindical. Negociación colectiva, marco galego de relacións laborais, defensa do emprego, formación e mobilizacións unitarias centran o documento. O secretario xeral de UGT en Galicia, José Antonio Gómez, amosou a súa coincidencia co chamamento á unidade sindical
O pleno da Coruña condena por unanimidade o ataque á exposición sobre o movemento obreiro A forza necesaria. O goberno e todos os grupos secundaron a proposta do BNG, se ben o PP matizou a través da súa voceira, Rosa Gallego, que a Marea Atlántica non "condena" o que "está sucedendo en Venezuela" e o Bloque, "ao Exército Guerrilleiro". A conservadora reprochou ademais ao alcalde "o que está pasando en Santiago".
O PP procura que a investigación parlamentaria sobre o seu presunto financiamento irregular deixe fóra a Gürtel e a Púnica. Está a contalo eldiario.es
Arabia Saudí, Exipto, Emiratos Árabes Unidos e Baréin cortan relacións diplomáticas con Qatar, próximo a Irán, acusádoo de "apoiar o terrorismo"
A veciñanza de Silleda aprobou por unha estreita marxe de votos o cambio de localización das dependencias municipais na consulta popular celebrada este domingo: 48,5% a favor e 46% en contra. Participou o 30% do censo, e houbo 88 votos en branco e 31 nulos.
Medio milleiro de persoas protestaron contra a homofobia en Sada. A acción fora covocada días atrás para denunciar o artigo publicado no Xornal Mariñán a Asociación de Empresarios da localidade e que finalmente forzou a dimisión da súa directiva.
Comeza a folga dos estibadores, que busca que a patronal garanta todos os empregos. Os traballadores pararán en horas impares durante as vindeiras 24 horas. Un total de 6.150 persoas están chamadas á folga.
A catro días das eleccións no Reino Unido, Teresa May defende endurecer as medidas contra o extremismo islámico: "Hai demasiada tolerancia", dixo
O Rápido de Bouzas toma vantaxe na súa eliminatoria do play-off de ascenso á Segunda B. Derrotou en Gran Canaria o Santa Brígida por 0-1