En marcha xa a concorrida manifestación contra a nova Lei de Saúde e pola sanidade pública. Milleiros de persoas ateigan o centro de Compostela. Toda a información, hoxe en Praza.gal.
Fálase
-
A Garda Civil investiga unha posible violación a unha peregrina no Val do Dubra.
Feijóo di que ten "o mesmo dereito a declarar a independencia de Galicia que Puigdemont a de Catalunya". O presidente da Xunta di nunha entrevista en La Vanguardia que o PPdeG é "un partido galeguista" e que as formacións políticas "non son corruptas". "Sono as personas", aclara.
A avogada Eva Martínez, nova secretaria xeral da agrupación socialista da Coruña. Afín a Gonzalo Caballero, lideraba a única proposta. En Santiago, Milagros Castro podería ser a elixida.
Animalistas intentan boicotear o Campionato de España de Caza do Raposo en Forcarei, duramente criticado por todas as formacións políticas agás o PP. Os activistas fan ruído para intentar espantar as presas.
Atentado racista en Italia: un home dispara contra persoas negras en Macerata. Hai seis feridos polos disparos dunha persoa que berrou "viva Italia!" cando foi detido e que foi candidato da Liga Norte.
Fene acolleu a gala para inaugurar a declaración do Día dos Medios en Galego, que se celebrará todos os 7 de febreiro desde este ano e para conmemorar a data da primeira publicación de 'O Tio Marcos d'A Portela', primeira cabeceira de masas en lingua galega.
O 75% dos funcionarios da Administración de Xustiza votan a favor dunha folga indefinida total a partir do vindeiro 7 de febreiro. O 20% optou por unha folga indefinida parcial. O persoal recorreu os servizos mínimos implantados pola Xunta.
O Supremo afasta a posibilidade de que Junqueras, Forn e os Jordis saian da cadea antes do xuízo do 1-O.
O Supremo decide manter no cárcere ao ex-conselleiro catalán de Interior, Joaquim Forn, que nas últimas semanas renunciara á súa acta como deputado electo. O Tribunal rexeita reconsiderar o réxime de prisión preventiva que impuxo ao político catalán.
