Tres galegas proclámanse campioas de Europa de fútbol sala coa selección española no primeiro torneo continental da historia tras vencer a Portugal (4-0). Silvia Aguete, Lucía Gómez e Vanessa Sotelo, nomeada mellor xogadora, subiron ao máis alto do podio.
Fálase
A Xunta deixará de avisar por correo postal ao persoal interino que cobre baixas na Administración. De agora en diante os avisos serán por SMS e, "adicionalmente", o correo electrónico ou o seu propio sistema Notifica. Só en casos urxentes empregará a chamada telefónica, segundo informou
Golfiños entre bateas. O tempo anticiclónico dos últimos días permitiu ao Instituto BDRI estudar moi de preto estes animais na ría de Arousa. Nestas imaxes, dous exemplares de golfiños mulares saltan dentro dun polígono de bateas no Grove. "Os dous golfiños estaban a socializar cando foron gravados" e "a súa poderosa musculatura permítelles realizar estes saltos tan acrobáticos", explican.
Un PSOE á alza sería a forza máis votada nas eleccións xerais, pero unha alianza do PP con Ciudadanos e a extrema dereita de Vox rozaría a maioría absoluta, segundo unha enquisa de GAD3 para La Vanguardia.
Volve o lume ao monte en pleno inverno: Medio Rural informa de senllos incendios en Lobeira e Laza, este último con dez focos, que queimaron arredor de 65 e 24 hectáreas, respectivamente. Ambos están xa extinguidos. A Xunta non dá conta de máis incendios, se ben por mor da súa política informativa ao respecto isto non implica que non existan máis focos. Na imaxe, o lume en Lobeira (@EmerxenciasOu)
O PSOE sería a forza máis votada e a primeira do Congreso en eleccións xerais, pero o descenso de Podemos e as súas confluencias complicaría a gobernabilidade. Pola dereita, o forte devalo do PP sería compensado pola alza de Ciudadanos e a irrupción do partido de extrema dereita Vox. En ambas bandas cumprirían amplos pactos para formar goberno, segundo unha enquisa de GESOP que vén de publicar El Periódico de Catalunya
Ducias de miles de persoas maniféstanse en Barcelona contra o xuízo aos líderes independentistas cataláns e a prol da autodeterminación. (Imaxe: ANC)
A Deputación de Pontevedra reclama a retirada dunha conferencia do escritor Fernando Sánchez Dragó do programa da Festa da Arribada de Baiona. "É bochornoso que alguén que alardea de encontros sexuais con menores" e "nega a violencia machista" participe da celebración, reprocha o goberno do ente provincial. Tamén o PSdeG baionés reclamou a súa retirada.
A Audiencia Nacional non asumirá a peza central da investigación ao grupo Vendex na trama Pokémon, como pedía a xuíza Pilar de Lara. A Audiencia reprocha a De Lara que, malia estar "claras" as competencias dende o comezo do caso, decidiu asumir a instrución hai xa case sete anos. Recólleo El Progreso
Luís Villares (En Marea) anuncia que proporá a PSdeG e BNG "unha gran plataforma progresista galega" para concorrer ao Senado nas eleccións xerais de abril por ser "unha Cámara que favorece a concentración do resultado do voto", vén de sinalar en rolda de prensa. Mentres, esta mañá Anova, Podemos e EU anuncian contactos para concorreren en coalición ao Congreso. Máis información, hoxe en Praza.gal.