PP e Ciudadanos optan pola cidade herculina para o seu acto inicial, Unidas Podemos abre a súa campaña en Vigo e PSdeG-PSOE, En Marea e BNG realizarán o principal pegado de carteis en Santiago. Ás 12 da noite as formacións poderán pedir o voto.
O balbordo político e mediático xerado pola proposta da dirixente do PP madrileño para computar os "concibidos e non nacidos" como membros da unidade familiar obviou, en case todos os casos, que a medida leva vixente en Galicia case unha década inspirada pola lei da Red Madre e plasmada de vez na lei de familia de 2011
O presidente di que “a da AP-9 non é unha transferencia dunha competencia senón dunha infraestrutura” e deféndea “nunha nación indisoluble que é España”
A enquisa do Centro de Investigacións Sociolóxicas sitúa o PSOE como primeira forza do futuro Congreso con entre 123 e 138 escanos e augura que o PP, cunha forte caída, non daría sumado maioría absoluta con Ciudadanos e Vox. En Galicia estaría en risco a hexemonía do PP como primeira forza en escanos
A promesa de que non teñan "carácter oficial" os os "actos administrativos" en galego se non son traducidos ao castelán contradí en boa medida a Constitución, pero tamén leis como o Estatuto do Empregado Público e a lei de Procedemento Administrativo, ademais de normas galegas como as leis de Normalización Lingüística, de Calidade dos Servizos Públicos ou do Emprego Público, entre outras
Cando Feijóo suprimiu as fundacións comarcais de Fraga, o ex-rexedor de Ponteareas Salvador González Solla e outros ex-xerentes desas entidades que eran cargos do partido foron recolocados en prazas de nova creación. González Solla entra agora na lista para o Senado por Pontevedra, da que cae Xosé Crespo, que volve aspirar á alcaldía de Lalín.
