Este é o plan que prepara o Goberno central para introducir a defensa da unidade de España no currículo escolar. Entre os contidos que prevé implantar inclúese a promoción do Exército e da Monarquía. Cóntao eldiario.es
Fálase
-
As concelleiras do goberno de Santiago súmanse á folga feminista do 8 de marzo e promoven que o Concello a apoie a través dunha moción que formulará Compostela Aberta no vindeiro pleno.
A reforma electoral formulada por Unidos Podemos restaría 15 escanos ao PP e 1 ao PSOE e sumaría 12 a Ciudadanos e 6 aos de Iglesias e as súas confluencias cos resultados das últimas eleccións xerais. Informa eldiario.es
A cooperativa Viña Costeira, elixida mellor adega do ano pola comunidade de afeccionados ao viño da publicación especializada verema.com. A do Ribeiro é a única presenza galega entre os tres primeiros postos das 13 categorías dos premios.
A ONU insta a España a afastar nenos, nenas e adolescentes da tauromaquia. Así vén de pronunciarse o Comité das Nacións Unidas que avalía o cumprimento da Convención sobre os Dereitos do Neno. En Galicia a recentemente aprobada lei de espectáculos públicos prohibe só a entrada de menores de 12 anos en espectáculos taurinos en recintos pechados.
O independentismo pacta que Elsa Artadi sexa candidata de consenso a presidir a Generalitat en substitución de Puigdemont, que sería recoñecido simbolicamente. Avánzao RAC-1.
Nova xornada fría e intensas xeadas en Galicia, con temperaturas en negativo xeneralizadas. Alcazáronse os 0º en localidades costeiras como Foz ou Boiro e os -10º en Cabeza de Manzaneda.
Imputados dous antidisturbios polas cargas policiais do 1 de outubro en Catalunya. Está a contalo eldiario.es
Oleiros rexistra un terremoto de magnitude 3. O tremor, a 11 quilómetros de profundidade, tivo o seu epicentro na parroquia de Serantes pouco despois das 16 horas.
Deputación e Concello de Lugo reciben os xogadores e corpo técnico do Club Baloncesto Breogán tras lograren a Copa Princesa a pasada fin de semana ante o Manresa. O club breoganista recibiu nos últimos días os parabéns dos outros equipos galegos da LEB Ouro, Básquet Coruña e Ourense, e mais do representante galego na ACB, o Obradoiro.
