O PP anuncia que celebrará o seu acto polo Día Nacional de Galicia o día 23 en Lalín ante a escultura que representa a Balbino, o protagonista de Memorias dun neno Labrego de Xosé Neira Vilas, como "homenaxe á Galicia rural". Hai dous anos os populares organizaran un acto semellante ante o busto de Fraga en Vilalba e en 2018 non realizaron celebración específica ningunha xa que, explicaran, o funeral de Albor promovido pola Xunta xa constituíra unha homenaxe "galeguista".
![](https://praza.gal/media/cache/live_image/uploads/20190719-20190719-rp-mtellado-02-f74e869.jpeg)