5A | Pablo Casado resta importancia ao pouco peso da marca do PP na precampaña do partido en Galicia porque "Feijóo é 100% PP" e "o que di é moi parecido ao que di Isabel Díaz Ayuso e iso é o importante". "Que despois dás un acento ou unha imaxe na que un galego se sente moi de Galicia? Fenomenal", reflexionou en declaracións a Telecinco.
Pablo Iglesias di ter "clarísimo" que o Goberno de España transferirá a AP-9 á Xunta. Son declaracións do vicepresidente segundo do Executivo central e líder de Podemos á TVG. A lei para o traspaso da autoestrada comezou a tramitarse no Congreso a finais de 2018 tras anos de bloqueo, pero as dúas eleccións xerais de 2019 demorárona. A transferencia está incluída no pacto de investidura do BNG co PSOE.
5A | Unha nova enquisa sitúa o PP no límite de perder a maioría absoluta en Galicia, pero abre a porta a que reteña o Goberno grazas a un escano de Vox para o que non identifica provincia. Segundo o inquérito de Sociométrica para El Español, o PSdeG medraría ata 6 escanos e o BNG aumentaría 3. Mentres, Galicia en Común -identificado na enquisa como Común da Esquerda-, sería cuarta forza con 8 escanos.
Falece aos 95 anos o sacerdote, poeta e activista Ernesto Cardenal, referente da Teoloxía da Liberación (Imaxe: Herbert Erwin, Dominio Público)
Antena 3 publica unha sondaxe de Sigma Dos que abre a posibilidade de que Núñez Feijóo perda a maioría absoluta nas eleccións galegas do 5 de abril. O PP obtería entre 37 e 39 escanos (a maioría está fixada en 38), mentres que o PSdeG se movería entre 18 e 20, o BNG subiría ata 14 e Galicia en Común obtería entre 3 e 6.
O Dépor derrota 3-4 ao CD Tacón (Real Madrid feminino) cunha histórica remontada. No minuto 81 perdían 3-0, pero en só nove minutos as coruñesas déronlle a volta ao partido
Está a piques de comezar a manifestación do feminismo galego en Verín, que rematará na Praza Maior da vila coa lectura do manifesto conxunto de Galegas8M
La Voz de Galicia publica unha sondaxe que estima 39 escanos para o PP (43,7%), 15 para o PSdeG (18,7%), 13 para o BNG (16,7%) e 8 para Galicia en Común (12,6%), e sen opcións de obtención de deputados para VOX e Ciudadanos.
Más de 110.000 personas reciben a Puigdemont en Perpiñán, no acto convocado polo Consell per la República. "Hoxe pisamos como persoas libres terra catalá", destacou o ex presidente da Generalitat, que afirmou que "a República Catalá témola que construír entre todos. Non sobra ninguén"
Martiño Noriega será o número 3 pola Coruña da lista de Galicia en Común, mentres que Miguel Anxo Ferán Vello encabezará a candidatura de Lugo, e Iria Figueroa será a número 2 por Pontevedra. Así o anunciou esta mañá Antón Sánchez, que abandonará o Parlamento despois de 8 anos, e que se centrará no seu traballo como Portavoz Nacional de Anova.
