Casado acude este luns a Santiago a participar no funeral do ex-presidente Albor na Catedral de Santiago. É o seu primeiro acto como presidente do PP.
Fálase
VÍDEO | Un coche derruba as cruces amarelas de Vic que reclaman a liberdade dos presos. A alcaldesa da localidade denuncia os feitos e pide "non caer nas provocacións".
Jorge Suárez advirte de que o Concello de Ferrol "non permitirá" que os restos de Franco sexan trasladados ao panteón que a familia ten na cidade e que foi "obtido a través de privilexios". O alcalde asegurouno en RNE logo de que se acreditase que o nicho familiar foi unha "concesión irregular".
Marta Pascal sae derrotada do Congreso do PDeCAT e deixará de ser coordinara da formación. David Bonvehí será o novo presidente.
Algo máis de 3.000 compromisarios deciden esta mañá o futuro dun Partido Popular en guerra no #19CongresoPP: Sáenz de Santamaría ou Pablo Casado. Feijóo decidiu finalmente non facer público a quen apoiará.
Rajoy despídese do liderado do PP co seu derradeiro discurso como presidente do partido: "Dei todo o que puiden", di ante o plenario do congreso da formación. Está a contalo eldiario.es
Feijóo, que leva toda a campaña evitando situarse no bando perdedor, confirma finalmente que non vai dicir se apoia a Casado ou Santamaría ante a indefinición de cal dos dous pode facerse coa presidencia do PP. Este xoves o presidente galego deixouse querer e abriu a porta a aceptar que o gañador lle outorgue unha maior proxección estatal no partido.
José Antonio Santiso, alcalde de Abegondo, absolto do delito de prevaricación urbanística pola construción de decenas de vivendas en solo rústico, segundo adiantou o propio rexedor. O xuíz si condenou o ex-alcalde Juan José Rocha e outros técnicos do Concello.
O BNG maniféstase ante a sede da RAE en Marid esixindo "respecto para Galiza" e para a súa toponimia. O Bloque recrimina a defensa por parte da Real Academia Española de varios topónimos galegos deturpados.
“Non existen especies demonizadas”, di a conselleira de Medio Rural, Ángeles Vázquez, para defender que o eucalipto pase das 307.000 hectáreas actuais ás 332.000 previstas no novo Plan Forestal. Vázquez interveu na rolda de prensa posterior ao Consello da Xunta para divulgar un informe propagandístico sobre o estado de tramitación actual do novo documento.