A CIG reclamou a devolución completa da paga extra das empregadas e empregados públicos cunha comparsa en San Caetano. Finalmente, puido cantar a panxoliña na cafetaría do edificio administrativo da Xunta, despois de que a policía impedise levar a cabo esta festiva protesta noutros espazos.
Fálase
As Novas Xeracións do PP animan a formular preguntas para Feijóo a través de Twitter coa etiqueta #pregúntalleaFeijóo. Incorporaranas, din, a un "foro" que celebrarán o vindeiro sábado para "abordar" co presidente "os temas que máis interesan á mocidade galega"
Queremos Galego convoca unha manifestación na defensa da lingua para o vindeiro 8 de febreiro
O alcalde de Sada admite que pactou as bases dun proceso selectivo coa persoa que acabou obténdoo, única aspirante ao posto. Ernesto Anido está imputado por presunta prevaricación administrativa. Recólleo La Opinión
O fiscal xeral do Estado, Eduardo Torres-Dulce, anuncia a súa dimisión alegando motivos persoais. En El Diario
O ILG publica unha web interactiva co ránking e evolución dos dez nomes máis populares para nenos e nenas nacidos en Galicia na última década. Das Marías ás Noas e dos Pablos aos Hugos. Complementarase nos próximos meses cunha aplicación que permitirá coñecer a evolución dos nomes propios de persoa en Galicia nos últimos cen anos.
Stop Desafiuzamentos e as PAH de Galicia concéntranse xa ante as subdelegacións do Goberno en Galicia "contra a represión dos movementos sociais". Máis información, hoxe ne Praza. Foto de @CIGLugo
Industria convoca para luns e martes a poxa extraordinaria da que depende o futuro de Alcoa, que podería acadar os bloques necesarios para manter a súa actividade na Coruña e Avilés. A CIG concéntrase hoxe ante varias industrias para reclamar unha tarifa eléctrica galega.
Cinco anos e tres meses de cadea para dous sindicalistas asturianos por un piquete. O xuíz acúsaos dun delito contra os dereitos dos traballadores e outro de lesións por uns incidentes durante o 29M.
As FARC declaran un alto ao fogo unilateral e indefinido. A guerrilla asegura que só rachará con este compromiso se recibe ataques.