Quince detidos en Madrid, Valencia e Toledo polo asasinato de Jimmy, ultra do Deportivo falecido en Madrid o pasado 30 de novembro. Máis información, hoxe en Praza Pública.
Fálase
Xosé Manuel Beiras, Alberto Garzón, Juan Carlos Monedero e Inés Sabanés debateron onte en Carne Cruda sobre a candidatura de confluencia para as eleccións xerais.
Costas facilita o camiño para que ENCE consiga unha prórroga que lle permita manter a súa actual ubicación máis aló de 2018. Establece unha caducidade parcial da concesión en Lourizán, pero esta non afecta ao núcleo da planta, senón á depuradora, e insta á Xunta a legalizala.
Mariano Rajoy anunciará este venres cambios no seu Goberno, unhas saídas e entradas de ministros e ministras nas que non estará Alberto Núñez Feijoo, como este mércores confirman todas as cabeceiras.
AGE e BNG denuncian a súa "exclusión" no pacto acadado por PP e PSdeG-PSOE para situar -a proposta dos populares- a Milagros Otero Parga como Valedora do Pobo, renovar o Consello de Contas e aprobar a designación de José Ramón Gómez Besteiro como senador autonómico.
A supresión da figura dos xuíces eméritos, que ata agora podían traballar ata os 75 anos, determinará unha maioría conservadora na Sala do Social do Tribunal Supremo, ao xubilar seis maxistrados progresistas. Esta sala ditou nos últimos anos varias sentenzas críticas coa reforma laboral.
CDC e Unió dan por rota a súa alianza despois de 37 anos, destaca La Vanguardia, que asegura que a dirección de Unió rexeitará o ultimátum de CDC de aceptar a independencia ante o 27S. Os consellers de UDC poderían abandonar o goberno catalán este venres.
O Goberno adxudicará as seis novas canles de TDT a un mes das eleccións xerais. Atresmedia, Mediaset, Kiss, Secuoya, 13 TV, Vocento, Prisa, Real Madrid TV e El Corte Inglés pugnan pola licenzas.
Pedro Sánchez, proclamado provisionalmente candidato do PSOE á Presidencia do Goberno de España tras finalizar o proceso de avais nas primarias. O vindeiro día 21 está prevista a proclamación definitiva.
Ana Miranda participará no tramo final da Flotilla da Liberdade rumbo a Gaza. Será unha das catro mulleres de diferentes partes do Estado na tripulación, xunto á monxa catalá Teresa Forcades.