Esta madrugada coñeceremos o nome do presidente dos Estados Unidos para os vindeiros catro anos. Contra as cinco da mañá saberase o resultado case definitivo pero xa a partir da unha comezarán a definirse algúns estados clave como Virxinia. O experto Nate Silver, unha referencia nos Estados Unidos, outórgalle a Obama un 91% de opcións de vitoria e prevé un triunfo do demócrata por dous puntos no voto popular (50.8%-48.3%) e de case cen votos electorais (313-225).
Confírmase o peche da planta de Garoña. O Consello de Seguridade Nuclear recibiu a documentación asociada á declaración de cese definitivo de explotación da planta burgalesa.
O Tribunal Constitucional avala por ampla maioria (oito votos contra tres) o matrimonio entre persoas do mesmo sexo. O TC bota abaixo deste xeito o recurso presentado polo Partido Popular en 2005.
Ruiz-Gallardón alega que seguir cun embarazo non desexado non afecta á saúde da muller, tampouco a nivel psicolóxico, para defender a contrarreforma da Lei do Aborto. En Terra Noticias.
Ana Miranda defende na Comisión de Pesca do Parlamento Europeo un novo acordo con Mauritania que inclúa os cefalopodeiros. A eurodeputada do BNG cualifica de "vergoña" que a frota galega non reciba ningún beneficio dun acordo que lle custa á UE 67 millóns de euros.
Compromiso por Galicia manifesta o seu apoio ao calendario de mobilizacións dos gandeiros galegos debido á “estremadamente grave e inxusta situación” na que se atopan na actualidade e que levan sufrindo durante os últimos anos, “ante a total a e absoluta ineficiencia dos gobernos da Xunta e do Estado cun sector estratéxico da economía galega”.
O PP rexeita recortar o orzamento da Casa Real porque "foi o máis castigado en dez anos". En El Diario.
A CIG rexeita os servizos mínimos propostos pola Xunta para o 14N. Anuncia que interporá recurso en caso de que non se modifiquen.
Esta mañá presentouse a vixésimo sexta edición de Cineuropa, o certame de cinema de Compostela, que desta volta se estenderá dende o 8 ao 30 de novembro. Podedes consultar aquí a programación completa.
O xuíz establece fianzas de ata sete millóns de euros para ex directivos de Novacaixagalicia. Se non as depositan a Audiencia Nacional procederá a embargar parte das súas propiedades. En El País.