O Goberno portugués enfróntase este luns á súa primeira moción de censura. A reprobación ao gabinete de Passos Coelho está impulsada polo PCP. Cóntao Público.
![](https://praza.gal/media/cache/live_image/xornal/uploads/falase/foto/4fe82ba4bf6d8-pedro2bpassos2bcoelho.jpg)
O Goberno portugués enfróntase este luns á súa primeira moción de censura. A reprobación ao gabinete de Passos Coelho está impulsada polo PCP. Cóntao Público.
O Concello de Lugo concreta a hora da recepción ao Club Deportivo Lugo polo seu ascenso á Segunda división. Será hoxe ás 20:30, no salón de plenos da casa consistorial luguesa.
O IGADI presenta a súa nova páxina web, cun deseño máis dinámico para unha mellor presentación dos seus traballos de análise e das actividades da Fundación Plácido Castro, o Fondo Galego de Cooperación ou o Observatorio da Política Chinesa.
España vén de enviar a carta na que solicita o rescate para a banca. "Teño a honra de dirixirme a vostede en nome do Goberno de España, para solicitar formalmente asistencia financeira para a recapitalización das entidades financeiras españolas que así o requiran", comeza o texto, no que se aclara que "a elección do instrumento concreto no que materializará esta axuda terá en consideración as diferentes posibilidades dispoñibles na actualidade e aquelas que se poidan decidir no futuro". "O FROB, que actuará en representación do Goberno de España, será a institución receptora dos fondos que canalizará ás entidades financeiras", engade.
Bankia vendeu preferentes a un matrimonio incapaz de ler o contrato. O home ten unha minusvalía visual e a súa muller non sabe ler, tal e como conta 20 minutos.
O Wall Street Journal presenta á presidenta de Castilla-La Mancha e secretaria xeral do PP, María Dolores de Cospedal, como "líder emerxente" na "cruzada a prol da austeridade" e exemplo de recortes.
España pedirá hoxe oficialmente o rescate bancario á Unión Europea, aínda que non se incluirá o importe exacto da cantidade solicitada. As condicións negociaranse a partir de agora.
A Xunta fai pública este luns, xa co curso escolar finalizado, a concesión de axudas aos equipos de normalización lingüística para centros educativos privados. No caso dos públicos, a resolución chegou tres días antes do remate do período lectivo.
O pago polo uso das autovías podería comezar en breve, e segundo Cinco Días as primeiras en cobrar poderían ser as estradas de entrada e saída en Madrid.
Os promotores de Eurovegas visitan hoxe Barcelona e mañá Madrid, e manterán xuntanzas que poden ser decisivas para a adopción dunha decisión. The New York Times publica un editorial titulado Que quere Shelton Adelson?, analizando as razóns do magnate promotor de Eurovegas para gastar millóns de dólares en apoiar a Romney fronte a Obama. Segundo o xornal, o motivo estaría na promesa do actual presidente de aumentar os impostos para as empresas coma a de Adelson, que obteñen a meirande parte dos seus beneficios no extranxeiro.