Falece José Luis Meilán Gil, político na etapa da Transición e un dos impulsores do actual Estatuto de Autonomía de Galicia. Desenvolveu unha ampla traxectoria como catedrático de Dereito Administrativo e foi reitor da Universidade da Coruña. Máis información, hoxe en Praza.gal
As vítimas do accidente de Angrois xa están en Bruxelas, onde se reunirán coa comisaría europea de Transportes, Violeta Bulc, por intermediación do BNG, representado na xuntanza pola eurodeputada Ana Miranda e a portavoz nacional da formación, Ana Pontón. O encontro prodúcese poucos días despois da chegada ao xulgado do transcendental informe da Axencia Ferroviaria Europea sobre o sinistro. O máis destacado do encontro, neste espazo
Incéndiase en Moeche un tren FEVE que cubría a liña Ferrol-Oviedo. O tren do norte acumula deficiencias dende hai anos entre alertas veciñais e políticas sobre o seu posible "desmantelamento". (Imaxe: Radiofusión)
O catedrático Xosé Luís Regueira, novo director do Instituto da Lingua Galega
A montaña de Lugo e Ourense estará este luns baixo aviso amarelo por tormentas despois de que este domingo o estivesen por altas temperaturas Valdeorras e o val do Miño.
O cemiterio de Lourenzá xa conta cun monolito en lembranza dos guerrilleiros Luís Trigo 'Gardarríos' e Antonia Pérez, homenaxeados este sábado nesa vila e en Mondoñedo no 70 aniversario do seu asasinato.
O servizos de emerxencias do 112 rexistraron máis de 200 incidencias relacionadas coa noite de San Xoán, principalmente na Coruña, Vigo, Nigrán e Santiago.
“Quero que esta lexislatura remate cunha lei de eutanasia no noso país e que sexa recoñecido como un servizo por parte da sanidade pública”, di Pedro Sánchez nunha entrevista con El País. O presidente do Goberno central di que quere que o traslado dos restos de Franco sexa "inmediato".
769 persoas en 25 pateras chegan ás costas españolas en menos de 24 horas. Só unha das embarcacións interceptadas este sábado transportaba 129 persoas. [Foto: Salvamento Marítimo]
Macron e Pedro Sánchez propoñen “centros pechados de desembarco” para os inmigrantes que cheguen a Europa. Trataríase de crear “portos seguros en países de chegada e centros pechados onde se analizaría unha a unha a situación de cada persoa”, segundo está a contar eldiario.es.
