Vítimas do accidente de Angrois maniféstanse xa ante os xulgados de Compostela para protestar contra o auto que deixa o maquinista como único imputado (imaxe do BNG de Santiago).
Fálase
-
O novo presidente da Deputación de Lugo dita o decreto que nomea Antonio Veiga (BNG) como vicepresidente. O socialista Darío Campos sinala que ambas formacións traballan xa na conformación do resto do gabinete. Recólleo El Progreso
Vítimas do accidente de Angrois maniféstanse esta mañá ante os xulgados de Santiago para protestar contra o peche da instrución do caso, que deixa o maquinista como único imputado.
O DOG publica este venres a nova estrutura orgánica das consellerías da Xunta
A Deputación da Coruña remite ao xulgado supostas infraccións da institución en axudas entregadas a entidades da trama Zeta entre 2009 e 2012. Recólleo La Opinión
O TSXG recoñece o dereito a indemnización ás empresas que gañaron o concurso eólico do bipartito e que foi anulado polo actual goberno. O pasado xuño o Supremo ratificou a irregularidade daquela anulación. Cóntao Faro de Vigo
Ás 19 horas comeza a Conferencia Política da CUP, na que a formación exporá a súa proposta de ruptura co Estado e tamén a súa posición con respecto á formación de Goberno en Catalunya e a súa aceptación ou non de Artur Mas como presidente, esixida por Junts pel Sí. O encontro poderá seguirse en directo en streaming.
Barcelona en Comú medita presentarse ás eleccións xerais do 20D. A plataforma abre un debate interno sobre a necesidade de "impulsar contextos supramunicipais".
O Consello da Xunta destitúe a María José Bravo Bosch, delegada en Vigo, imputada na Operación Patos. E a Rogelio Martínez, delegado en Ourense, pendente de ser procesado por delitos de malversación, fraude e prevaricación produto da suposta apropiación de fondos comunitarios cando era alcalde de Arnoia. Son substituídos por Ignacio López-Chavez e Marisol Díaz. Toda a información, esta tarde en Praza.
A xornalista bielorrusa Svetlana Alexiévich, Premio Nóbel de Literatura. É a primeira vez que a academia sueca premia o xénero da reportaxe periodística. A obra máis coñecida de Alexiévich trata as consecuencias da traxedia de Chernóbil e dálles voz ás súas vítimas.
