A Academia Galega do Audiovisual publica un decálogo cos seus compromisos a prol da igualdade de xénero, dende aplicar a paridade nas comisións, xurados de premios e equipos de asesoramento ata incluír a perspectiva de xénero en todos os informes publicados. Así mesmo, deseñará protocolos para dar resposta ás situacións de acoso no cine e na televisión e algún dos premios da AGA levará o nome "dunha muller relevante na historia do noso audiovisual".
O xornalista Andrés Gil será proposto como vindeiro presidente de RTVE. Gil é o actual xefe da área política de eldiario.es
A vista preliminar do proceso xudicial para recuperar as figuras do Mestre Mateo espoliadas polos Franco celebrarase o 15 de outubro. O Concello de Santiago agarda que a primeira sentenza chegue este ano.
Os Estados da UE acadan de madrugada un acordo sobre migracións que inclúe a creación de centros "controlados" para persoas migrantes. Segundo Pedro Sánchez, o acordo non é "o mellor" pero resulta positivo para os intereses que defendeu o Goberno de España no cumio
Ximo Puig destitúe de todos os seus cargos o presidente da Diputación de Valencia trala súa detención no marco da operación Alquería
O Instituto Galego de Análise e Documentación Internacional (Igadi) vén de publicar o seu informe anual sobre a acción exterior de Galicia, Nós no mundo, este ano enfocado na paradiplomacia municipal. Pódese descargar aquí.
O concello leonés de Camponaraya retira os carteis nos que anunciaba unha viaxe a Cambados e Combarro baixo o título de “Rías Baixas. Costa da Fariña”. A Deputación de Pontevedra protestara ante o alcalde da localidade, que confirmou que todos os anuncios foron xa eliminados.
Gas Natural Fenosa muda o seu nome e pasa a denominarse Naturgy. A marca da antiga eléctrica galega desaparece de vez da empresa catalá.
Falece José Luis Meilán Gil, político na etapa da Transición e un dos impulsores do actual Estatuto de Autonomía de Galicia. Desenvolveu unha ampla traxectoria como catedrático de Dereito Administrativo e foi reitor da Universidade da Coruña. Máis información, hoxe en Praza.gal
As vítimas do accidente de Angrois xa están en Bruxelas, onde se reunirán coa comisaría europea de Transportes, Violeta Bulc, por intermediación do BNG, representado na xuntanza pola eurodeputada Ana Miranda e a portavoz nacional da formación, Ana Pontón. O encontro prodúcese poucos días despois da chegada ao xulgado do transcendental informe da Axencia Ferroviaria Europea sobre o sinistro. O máis destacado do encontro, neste espazo
