Máis da metade dos concellos cataláns xa se adheriron á Associació de Municipis per la Independència, entre eles Girona ou a Deputación de Lleida, aínda que representan 2.355.000 persoas, un 31% da poboación. O seu obxectivo é superar o 50%.
Fálase
O presidente da Xunta recibe o Club Deportivo Lugo no Pazo de Raxoi polo seu ascenso á Segunda División. É o último acto das celebracións do equipo lugués.
A Cadena SER adianta o contido do que podería ser o novo medicamentazo. Ao xeito do decidido polo Goberno de José María Aznar, con José Manuel Romay Beccaría como ministro, o departamento de Ana Mato estaría prevendo deixar de financiar 400 medicamentos de uso moi común.
O Goberno estuda eliminar a dedución por compra de vivenda e subir o imposto da gasolina. A secretaria de Estado de Orzamentos, Marta Fernández Currás, vén de admitir que Facenda medita seguir así algunha das recomendacións do FMI.
17 dos 22 Premios Fin de Carreira da Universidade de Vigo son mulleres, que dominan amplamente en todas as áreas agás as enxeñarías, onde os mellores alumnos foron homes.
Hoxe comeza en Madrid o torneo de golf sénior Turismo de Galicia. Como ten informado Praza Pública, a Xunta destina 44.000 euros á organización desta competición. A fase final si será en territorio galego, nun balneario de Pantón.
Esta mañá celebrouse no Congreso dos Deputados o sétimo aniversario da aprobación da lei que permite o matrimonio entre persoas do mesmo sexo, aprobada en xuño de 2005 nunha sesión -á que corresponde este vídeo- na que o Grupo Popular, encabezado por Mariano Rajoy, protestou de maneira airada. Á conmemoración non asistiu nigún membro do PP.
O déficit do Estado sobe un 30,6% até maio e suma 36.364 millóns, o que supón o 3,41% do PIB.
June Fernández escribe en ElDiario.es Cinco obstáculos aos que se enfrontan as mulleres en política, nos que analiza os condicionantes sexistas que limitan as posibilidades das mulleres, e as iniciativas postas en marcha en Euskadi para superalos.
Arrancan dun graffiti realizado en homenaxe aos mineiros tres policías en actitude agresiva contra mulleres. A obra era legal e contaba co permiso do propietario do predio no que se realizara