O PP rexeita a comparecencia de Marcial Dorado e Feijóo no Senado como pedía Podemos. A maioría absoluta dos populares na Cámara Alta permítelles seguir en solitario coa súa investigación política das contas de PSOE, Podemos e Ciudadanos, que deixaron de asistir ás reunións da comisión.
A CIG sinala que a empresa concesionaria do servizo de cafetería do Hospital Clínico de Santiago, Aramark, recoñeceu a instalación dunha cámara oculta na sala de descanso do persoal e que con ela buscaba supostamente investigar un "descadre de caixa".
A Fiscalía citará a declarar aos responsables das navieiras pola sobrevenda de billetes ás illas Cíes. Investiga se hai indicios de estafa e falsidade documental tralo informe remitido pola Xunta
O independentismo busca blindar os puntos de votación do 1-O para frear a intervención policial. Os comités de defensa do referendo, repartidos por todo o territorio catalán, estudan a posibilidade de concentrarse xa antes do domingo nos centros elixidos polo Govern para votar
O Concello de Lugo estende a limitación de velocidade a 30 quilómetros a dúas céntricas avenidas tras implantala na Ronda da Muralla. A prioridade do tráfico peonil e a "coexistencia" coas bicicletas é a base para tomar a decisión en Ramón Ferreiro e Rodríguez Mourelo e foi demandada polos numerosos centros educativos da zona, sinala a alcaldesa da cidade, Lara Méndez. Esta limitación é xeralizada no centro de Pontevedra e existe en áreas doutras cidades como A Coruña ou Santiago.
A Policía interroga dez persoas por crear webs do 1-O. "É un ataque á liberdade de expresión e de internet", din. O Tribunal de Contas impón unha fianza de 5,25 millóns de euros a Mas polo 9-N.
O Goberno de España adxudica a compra dun novo coche oficial do presidente por 498.000 euros. A empresa adxudicataria do procedemento negociado sen publicidade é Wolkswagen, propietaria de Audi, marca do automóbil no que xa viaxa Rajoy e que antes empregaran Zapatero ou Aznar. O Parque Móbil do Estado ten 647 coches, segundo o seu último informe anual.
O Kurdistan iraquí celebra este luns unha consulta de autodeterminación, non vinculante pero que iniciaría o proceso secesionista, a pesar da férrea oposición dos gobernos de Irak, Turquía e Irán
Dous incendios en Viana do Bolo e Vilamartín de Valdeorras arrasaron case 400 hectáreas de terreo e chegaron a ameazar núcleos habitados.
Un de cada tres contratos en Galicia duran menos dunha semana. Entre xaneiro e agosto fixéronse case 747.000, un 10% máis que en 2016. Porén, os indefinidos seguen estancados e son só o 4%.