Fálase

VÍDEO | O presidente de Portugal axuda a arrincar eucaliptos plantar no seu lugar especies autóctonas como carballos. Marcelo Rebelo de Sousa amosou así o seu apoio a esta iniciativa en Vouzela xunto ao ministro do Planeamento, Pedro Marques, un ano despois da vaga de incendios, no marco das medidas contra o lume. A intensidade daquela vaga xerou unha nube que impediu unha traxedia maior en Galicia. Portugal ten en marcha unha moratoria á plantación de eucaliptos. Vídeo do acto na RTP (Imaxe: Goberno de Portugal).

O PP queda só no Congreso na defensa dunha reforma para ilegalizar os pactos de goberno nos concellos se non participa deles a lista máis votada. Só UPN, aliado tradicional dos populares, votou a prol da proposición de mudanza electoral, que foi rexeitada. Feijóo vén sendo un dos principais valedores desta proposta dentro do PP.

O bispo de Astorga, diocese que inclúe Valdeorras, novo responsable antipederastia da Igrexa española malia non expulsar un abusador. Está a contalo eldiario.es.

Casado retruca á posible despenalización da eutanasia afirmando que "este problema non existe en España". O líder do PP aborda así a cuestión despois de que os propios populares atrancasen a proposición de lei do PSOE no Congreso mediante sucesivas ampliacións dos prazos de emendas.

SORTEO | Unha fin de semana de balde en Santa Maria da Feira con Praza Pública e o Eixo Atlántico. Velaquí todos os detalles  

Amnistía Internacional reclama a "liberdade inmediata" dos líderes soberanistas cataláns Jordi Sànchez e Jordi Cuixart ao faceren un ano en prisión preventiva. A esta reclamación uníronse diversas entidades sociais e forzas políticas en Catalunya. (Imaxe: TV3)

A Conferencia de Reitores cede ao banco Santander a xestión da aplicación móbil oficial das universidades públicas. Cóntao eldiario.es. No caso das universidades galegas as ligazóns con esta entidade bancaria son múltiples dende hai anos

O 25 de outubro (20:00, Agrupación Cultural Alexandre Bóveda da Coruña) estréase o documental Outra Coruña posible, no que Lois Alcayde Dans, Paula Durán e Paula Quiroga debullan a figura de Domingos Merino e o seu papel como primeiro alcalde democrático da Coruña tras a ditadura.

O delegado do Goberno en Galicia, Javier Losada, visita a obra máis atrasada do AVE, o viaduto de Teixeiras, en Laza, e ratifica que estará rematado en 2019 para que os trens circulen en 2020. A conselleira de Infraestruturas, Ethel Vázquez, considera “unha deslealdade institucional sen precedentes” que non a invitase.

O TSXG ratifica a suspensión cautelar do funcionamento da Área Metropolitana de Vigo. Concello e Xunta xa daban por morto o novo ente tras enlearse nos xulgados polo intento mutuo de controlar o seu funcionamento e as súas competencias.