O PP envía unha trintena de alcaldes á sede da Deputación de Pontevedra para, din, protestar por un reparto "autoritario" de fondos da entidade, gobernada por PSdeG e BNG. O goberno da entidade censura o que cualifica como "toma ilegal do salón de plenos" da institución, segundo informa Pontevedra Viva
A teimosía por xulgar o edil madrileño Guillermo Zapata supuxo un custo duns 100.000 euros, segundo fontes xurídicas citadas pola Cadena SER. A Audiencia Nacional vén de absolver o concelleiro de Ahora Madrid, xulgado por mensaxes publicadas hai anos en Twitter.
ÚLTIMA HORA | Falece o músico Fran Pérez, Narf, unha das voces máis destacadas e queridas da música galega, especialmente recoñecido polas súas amplas ligazóns coa lusofonía. Nas últimas semanas tivo que cancelar diversos compromisos profesionais por mor da enfermidade que padecía. Narf compartiu un bo número de creacións con Uxía, das que falaban nesta entrevista.
Colombia intervén a filial de Gas Natural Fenosa no país para garantir a enerxía "para familias e industria". Electricaribe pasa por unha grave crise económica. Así o anunciou o ministro de Minas e Enerxía do Estado suramericano.
Viriato solicita a liquidación ao non mercarlle El Corte Inglés, o seu principal cliente, a campaña de primavera-verán. A empresa téxtil, con sede en Ordes, é outra das prexudicadas dunha crise desigual no sector.
CLUN (Cooperativas Lácteas Unidas), así é o nome da integración das principais cooperativas lácteas galegas, cuxos presidentes se reuniron hoxe con Feijóo na Xunta. Os dirixentes de Feiraco, Os Irmandiños e Melisanto presentáronlle a iniciativa ao Goberno galego.
Marta Fernández Currás, ex secretaria de Estado de Orzamentos do Ministerio de Facenda, negocia a súa entrada no sector privado, nun novo caso de porta xiratoria. A ex conselleira de Facenda da Xunta incorporaríase segundo Europa Press á multinacional de auditoría e asesoría Ernst & Young na área de Sector Público
O tren ao porto exterior da Coruña previsto para 2017 non estará rematado, cando menos, ata 2021. Así o revela a propia entidade portuaria, tal e como recolle La Opinión de A Coruña. O pasado setembro o Tribunal de Contas da UE cuestionou os investimentos nos portos exteriores coruñés e ferrolán.
Trump nomea un ultra xefe de gabinete da Casa Branca. Stephen Bannon foi director executivo dunha web de extrema dereita e é acusado de racismo, antisemitismo e sexismo.
Sacristán, secretario xeral do PSOE coruñés, di que Caballero "é unha mala copia de Paco Vázquez" e que "sobra xente" no seu partido. A crise no PSdeG recrúa, tamén en Ourense tras a destitución do voceiro na Deputación, Ignacio Gómez.
