O Ministerio de Educación evita a prensa na súa reunión cos reitores sobre as bolsas universitarias. Ante a inexistencia de convocatoria oficial os e as xornalistas tiveron que ficar ás portas da sede do departamento de Wert, segundo informa a Cadena SER.
A Fiscalía Anticorrupción pide prisión incondicional para Bárcenas por risco de fuga.
ODS-Coia, a parroquia do Cristo da Victoria e o Grupo de Axitación Social entregaron este xoves no Concello de Vigo e na Xunta as follas de denuncia que recolleron nos últimos meses esixindo unha Renda Básica. Tiveron algúns problemas para entregar as sinaturas na delegación da Xunta.
Vén de nacer un novo medio dixital en Ferrolterra, Ferrol360. Na presentación destacouse que o xornal "sae á luz como un proxecto xornalístico libre de ataduras que aposta polo periodismo independente".
O Tribunal Supremo ratifica que a Xunta vulnerou o dereito de folga por fixar uns servizos mínimos abusivos o paro xeral do 29 de setembro do 2009. A sentenza fai definitiva a resolución xudicial que nas instancias anteriores lle daba a razón a CC.OO. e que destacaba o prexuizo causado sobre todo na CRTVG, nos servizos educativos e no transporte escolar.
A Fiscalía Anticorrupción solicitou ao xuíz Pablo Ruz que impoña unha fianza de 28,1 millóns de euros ó extesoreiro do Partido Popular, Luis Bárcenas, en concepto da responsabilidade civil que poida derivarse do procedemento.
A Deputación de Lugo difunde un vídeo elaborado pola Fundación TIC na que persoas afectadas polo pago adiantado do material ortopédico e as próteses detallan as dificultades que trae consigo esta medida para as persoas con menos recursos.
O naval terá que devolver as axudas do tax lease, segundo acaba de anunciar Almunia nun almorzo informativo en Madrid. "O tax lease é incompatible e é necesaria unha devolución", asegurou o comisario de Competencia, que foi increpado por representantes de estaleiros españois. Máis información, nuns minutos en Praza.
O fiscal eleva a definitiva a petición de cárcere para os presuntos membros de Resistencia Galega. Demanda penas de 20 e 12 anos.
Portugal vive este xoves unha nova folga xeral, convocada por UGT e CGTP. Protéstase contra os recortes e denúncianse as declaracións de Pedro Passos Coelho, que onte afirmou no Parlamento que “o país precisa menos de greves e mais de trabalho”.
