A Plataforma Cidadá Defender o Público-Salvemos a Casa da Xuventude segue coa súa loita social e legal para evitar o derrube do edificio, que o Concello de Santiago teima en levar adiante a pesar de que a Fiscalía aínda non se pronunciou sobre a súa legalidade. Falamos con Jorge Duarte.
Un estudo revela a pervivencia entre a xente nova da aceptación de actitudes como o control de horarios, o impedimento de ver a familia ou a prohibición de traballar. Mozos e mozas "tenden a exculpar o agresor e culpabilizar a vítima en maior medida que a poboación adulta", alerta.
11 espazos galegos de coworking organizan ao longo desta semana actividades para dar a coñecer o seu funcionamento e as vantaxes do cotraballo: xornadas de portas abertas, charlas ou presentacións
ENTREVISTA Ecos do Sur levou a cabo unha innovadora campaña de 'crowdfunding' coa que conseguiu evitar o desafiuzamento inmediato de tres familias galegas. Pero hai moitas máis en risco. "Cóstanos ser optimista mentres o paro siga así", di Natalia Monje, unha das responsables.
En abril estrearase o documental En todas as mans, producido pola cooperativa Trespés e dirixido por Diana Toucedo, un traballado proxecto que afonda na realidade e posibilidades das comunidades de montes.
Stop Desafiuzamentos Compostela levou a cabo unha campaña de autoinculpación logo de que varias persoas foran detidas tras intentar deter o desaloxo dunha familia hai máis de tres meses
A ONG Ecos do Sur lanzou unha iniciativa pioneira para evitar o desaloxo de tres familias da Coruña e Vigo antes do mércores. A entidade, que xa paralizou varios lanzamentos, logrou superar a cantidade necesaria para paralizar o desaloxo inmediato grazas á difusión nas redes sociais.
As analíticas encargadas por Adega revelan altos niveis de arsénico e chumbo que multiplican por moito os valores contaminantes admitidos pola lei. A entidade ecoloxista advirte do "risco sanitario e ambiental para a comarca de Verín" e pide que se "impidan novas verteduras de Adif".