Movementos sociais

A Xunta celebra este mércores no Parlamento o décimo aniversario dun Plan Xeral de Normalización do que case nada se cumpre e coas estatísticas do IGE e os Orzamentos teimando na precaria situación da lingua. Queremos Galego chama á mobilización polo idioma.

Vén de lanzarse un número 0 e unha campaña de financiamento colectivo para esta publicación (online e impresa) centrada nas iniciativas de decrecemento e preocupadas polo esgotamento dos recursos materiais e enerxéticos

A empresa anuncia negociacións cunha empresa española que avalaría o proxecto e lle permitiría cumprir os requisitos para unha explotación mineira que foi denegada pola Xunta, á que presiona situándoa nas negociacións con ese investidor e da que espera o visto e prace.

O auto do Xulgado de Sarria sinala que a Ponte Ribeira, de indubidable valor histórico e artístico, forma parte do BIC Camiño Francés. A Plataforma Sarriana lembra que a Xunta, "á que corresponde a protección do patrimonio cultural de Galicia", ignorou a súa defensa durante meses.

Tres colectivos galegos de pacientes oncolóxicos únense co gallo do Día contra o Cancro de Mama para chamar a atención das autoridades sobre as restricións asistenciais e farmacolóxicas que sofren nos seus tratamentos.

Stop Desafiuzamentos manifestouse esta mañá ante varias sedes do Instituto Galego da Vivenda e Solo en Galicia no primeiro acto coordinado dos diferentes colectivos para denunciar a negativa da Xunta a desbloquear as vivendas anunciadas por Feijóo para persoas desaloxadas.

Mondoñedo acollerá, do 24 ao 26 de outubro, o X Encontro Europeo de Comités de Apoio ao MST. Previamente, este venres en Pontevedra e a semana que vén en Ribadeo, Rosa do Carmo (coordenadora da Secretaria Estadual do MST en Salvador) ofrecerá dúas charlas.

O Centro Nacional de Intelixencia rexeita a súa "habilitación", imprescindible para traballar na parte militar do estaleiro, baseándose nun artigo na norma da Autoridade Nacional de Seguridade Delegada. Falamos con Xaquín García Sinde, un dos afectados.

O colectivo que loita pola declaración da zona como Parque Natural celebra o seu cuarto aniversario orgulloso do traballo pero crítico co desleixo da Xunta nun espazo no que membros e colaboradores da entidade descubriron máis do 65% % de todo o patrimonio arqueolóxico que se coñece.