Dende o pasado sábado un grupo de persoas da Asemblea de Movementos sociais de Vigo manteñen unha acampada ante a sede da Xunta na cidade. Denuncian os limitados recursos das axudas sociais e a demora no pagamento da Risga.
A CIG rexeita frontalmente o Plan Económico-Financeiro de Reequilibrio, que porá en marcha a USC para reducir o seu deficit en 16 millóns. Alba Nogueira alerta de que as medidas poñen en risco a capacidade docente e investigadora.
Rexeitan unha moción do BNG que solicitaba que o Concello non recorra a sentenza xudicial que obriga a derrubar o monumento por ser un símbolo franquista que atenda a dignidade das vítimas. A Asociación Viguesa pola Memoria Histórica do 36 increpa os concelleiros socialistas.
A oposición compostelá pide explicacións polo uso que o colectivo antiabortista lle dá a unha das vivendas propiedade do Concello que, entre outros usos, estaban destinadas a atender persoas con dificultades sociais como os desafiuzamentos. O piso foille cedido en outubro de 2012 á entidade promovida polo Foro de la Familia.
Ao redor de 450 persoas participaron este domingo na sétima edición da Limpeza simultánea de ríos, organizada por Adega e outro medio cento de entidades, recollendo case 10 toneladas de residuos. Falamos con Paco Bañobre.
Contraminacción, Salvemos Cabana e a Plataforma pola Defensa de Corcoesto e Bergantiños únense a Bang! Bang Ciyanide, grupo europeo que xunta vinte organizacións de dez países, que se presenta hoxe e que loitará pola prohibición do uso do cianuro na minería en Europa.
A Plataforma Galega polo Dereito ao Aborto "toma as prazas" de varias localidades galegas para celebrar a retirada do anteproxecto da lei do aborto e a dimisión de Gallardón, pero advirte que "non todo está gañado" e que o PP "segue atacando a liberdade das mulleres".
A plataforma Ecoar lanza unha campaña pola recuperación do patrimonio histórico, arquitectónico e identitario de diversas zonas da contorna e da cidade na que se denuncia e actúa "contra os procesos de especulación artística".
A Plataforma en Defensa dos Montes do Morrazo denuncia que o plan, ademais dun gasto innecesario de cartos públicos, non soluciona os problemas de mobilidade dos concellos da comarca.