Ao redor de 450 persoas participaron este domingo na sétima edición da Limpeza simultánea de ríos, organizada por Adega e outro medio cento de entidades, recollendo case 10 toneladas de residuos. Falamos con Paco Bañobre.
Contraminacción, Salvemos Cabana e a Plataforma pola Defensa de Corcoesto e Bergantiños únense a Bang! Bang Ciyanide, grupo europeo que xunta vinte organizacións de dez países, que se presenta hoxe e que loitará pola prohibición do uso do cianuro na minería en Europa.
A Plataforma Galega polo Dereito ao Aborto "toma as prazas" de varias localidades galegas para celebrar a retirada do anteproxecto da lei do aborto e a dimisión de Gallardón, pero advirte que "non todo está gañado" e que o PP "segue atacando a liberdade das mulleres".
A plataforma Ecoar lanza unha campaña pola recuperación do patrimonio histórico, arquitectónico e identitario de diversas zonas da contorna e da cidade na que se denuncia e actúa "contra os procesos de especulación artística".
A Plataforma en Defensa dos Montes do Morrazo denuncia que o plan, ademais dun gasto innecesario de cartos públicos, non soluciona os problemas de mobilidade dos concellos da comarca.
Este sábado 27 de setembro fan 39 anos das últimas execucións do franquismo. Entre elas a do vigués Xosé Humberto Baena, que será homenaxeado no cemiterio de Pereiró, e para o que a súa familia pide a reapertura do seu caso e que se recoñeza a súa inocencia. Falamos coa súa irmá, Flor Baena.
Representantes do sindicato CSI-F na Policía Local lucense reclámanlle ao Concello un protocolo "ante posibles casos de ébola" entre os vendedores ambulantes do San Froilán mentres Sanidade apela á "total tranquilidade" sobre a enfermidade en Galicia. O Foro Galego da Inmigración ve no "descoñecemento" a orixe desta petición con "tintes racistas".
A Asociación de Medios en Galego rexistra no Parlamento unha proposición de lei que, tramitada a través de AGE e BNG, procura que as axudas e a publicidade da Xunta na prensa sexan "públicas e obxectivas", como reclaman os colectivos profesionais e o Consello de Contas.
