Así o asegura Salvemos Cabana, que advirte de que a Xunta incumpre as principais disposicións legais do dereito comunitario no ámbito dos espazos protexidos e denuncia tamén ante Europa o Plan.
España non atende a petición da ONU sobre os crimes da ditadura e mantén intacta a impunidade do réxime fascista. Mentres, a xustiza arxentina suma 515 condenados por crimes cometidos durante a súa ditadura militar e aplica a xustiza universal para enxuizar a de España.
Stop Desafiuzamentos da Coruña denuncia que varios membros da plataforma reciben cartas de "advertencia" na que son acusados de "desobedecer" á policía en actos nos que non estiveron presentes. "Quere que sexamos conscientes de que estamos 'baixo control", di.
Queremos Galego xunta miles de cidadáns nas diferentes mobilizacións convocadas nas sete cidades galegas e mais en Foz. A plataforma e os manifestantes chaman a "non se resignar" na loita polos dereitos dos galegofalantes e berran contra a política lingüística da Xunta.
A retranca de usuarias e usuarios galegos de Twitter levou hai uns anos ao nacemento do #díadelgallego, unha irónica etiqueta para darlle a volta aos rituais do 17 de maio en ámbitos como a prensa. Máis de 30 anos despois das primeiras normas legais para potenciar a lingua propia no ámbito da comunicación o traballo por facer continúa a ser inxente.
Miguel Moreira vén de publicar en Xerais o ensaio Contra a morte das linguas. O caso do galego, que afonda na óptica ecolingüística. Entrevista de Montse Dopico
A Gentalha do Pichel e a escola Semente de Compostela preparan unha cápsula do tempo que permanecerá soterrada dende este 17 de maio ata dentro de 36 anos. Teresa Moure, Séchu Sende, Rosa Aneiros ou Carlos Callón colaboran na iniciativa.
Tres anos despois das protestas que iniciaron o chamado movemento 15M, pedímoslles a analistas e activistas a súa opinión sobre o impacto causado na política e na sociedade, sobre os erros e acertos estratéxicos do proceso e sobre os logros acadados.
O vindeiro 28 de xuño o antigo apeadeiro de Ordes acollerá unha nova conmemoración da proclamación da República Galega, o 27 de xuño de 1931.
O persoal sanitario galego protesta deitado no chan contra os recortes, a privatización e o deterioro da calidade asistencial dos hospitais públicos, ao tempo que denuncia o masivo peche de camas no verán e achega alternativas para evitalo e reducir as listas de espera.
