O 7 de decembro de 1857 catro mil traballadoras da Fábrica de Tabacos da Coruña iniciaron a súa protesta destruíndo as novas máquinas para picar tabaco e botando ao mar parte da produción. En 1831 e 1854 estas mulleres xa levaran a cabo mobilizacións polos seus baixos salarios
Un informe da UDC achegado pola empresa a requirimento da Xunta confirma que a corta de Vieiro acolleu durante anos materiais que supoñen máis de 110.000 metros cúbicos, segundo desvela Adega.
A AGAMFEC (Asociación Galega de Medicina Familiar e Comunitaria) sinala que o gran problema é "a falta de financiamento" e di que "a lamentable situación dos PAC e da pediatría son unha mostra máis da falta de planificación da organización sanitaria". "Non estamos en tempos de comisións, estamos en tempo de decisións", conclúen.
Os 825.000 euros destinados polas cidade olívica significan case tres euros por habitante, fronte aos 1,6 euros de Narón e Vilagarcía e aos 1,4 euros de Lugo, Pontevedra e A Coruña.
Profesionais dos medios públicos intensifican as mobilizacións malia os avances nas negociacións coa xerencia. Levarán a cabo accións de protesta durante os vindeiros días e manifestaranse polas rúas de Santiago e ante a Cámara coincidindo co paro de 24 horas.
No 40 aniversario do referendo que aprobou a Constitución, falamos do proceso de reforma política cos profesores Emilio Grandío (USC) e Julio Prada (Uvigo), que a pasada semana interviron no encontro Arredor do 78: xornadas de reflexión e debate sobre a Transición, organizado polo grupo Hispona
Ao longo do ano estes grupos traballaron eliminando especies invasoras en 500 hectáreas de terreo en Corcubión, Lousame, Cenlle, Dodro, Cerdedo-Cotobate, Ponteareas ou Pazos de Borbén, onde terá lugar a unha nova actividade o 12 de xaneiro
A empresa nega as acusacións do Concello e asegura que o accidente se debeu á desmontaxe de equipos obsoletos. O Goberno municipal comunicará nos vindeiros días "a paralización de todos os traballos ilegais que se realizan en Lourizán". O lume, que provocou unha gran fumareda visible dende toda a comarca, comezou ás nove da mañá e foi sufocado media hora despois.
O Goberno galego advertiu por escrito aos interesados de que deberán presentar documentación “con data 11 de decembro, non antes nin despois”, pero asegura agora que vai ampliar o prazo
REPORTAXE | Compostela acolleu esta fin de semana as xornadas Traballo digno, no fogar e nos coidados, que visibilizaron a situación de precariedade que sofren os milleiros de empregadas domésticas (70.000 en Galicia), que reclaman ter os mesmos dereitos que o resto dos traballadores. Falamos con Teresa Rodríguez (Asociación Xiara) e Rocío Echevarría (Sindihogar/Sindillar)