A Plataforma de Vítimas Alvia 04155 leva semanas recollendo apoios económicos para poder financiar un documental e un libro que aclare as responsabilidades do sinistro e que, ademais, denuncia o mal trato que dende entón están sufrindo por parte das autoridades
Novos erros no ERTMS impiden o seu uso nunha das dúas liñas nas que estaba operativo. As adxudicatarias impugnan dous novos concursos, un deles o do tramo Olmedo-Ourense.
A Audiencia Provincial da Coruña levanta a imputación aos doce cargos do Adif que foran imputados polo anterior xuíz que instruía o caso. Entende que a ausencia de ERTMS na zona do sinistro supón unha conduta perigosa pero "non unha infracción dun deber legal".
Teresa Gómez-Limón, deputada madrileña que deixou o PP pola súa xestión do accidente ferroviario, cualifica de "indigno" a Rafael Catalá, secretario de Estado de Fomento no momento do sinistro, ao que acusa de ser "responsable político" da traxedia de Compostela.
A plataforma Alvia 04155 amosa a súa "indignación" polo "indecente nomeamento" do que fora secretario de Estado de Infraestruturas durante o sinistro ferroviario, ao que acusan de "mentir e non depurar responsabilidades". A ex deputada do PP ferida acusárao de presionala para non criticar a Renfe ou Adif.
Familiares dalgúns dos 79 falecidos e falecidas concentráronse este xoves na praza do Obradoiro para esixir a "verdade" sobre o accidente e que se depuren as responsabilidades, unha demanda expresada tamén pola Plataforma de Bomberos Públicos de Galicia e por AGE e BNG
O Goberno galego abre a porta a entregalle o galardón á asociación veciñal noutra xoranda pero o presidente defende que hai "un motivo máis que fundado" para que o acto oficial se celebre xusto no aniversario do sinistro, día para o que os colectivos de vítimas preparan actos de seu.
Persoas afectadas polo accidente de Angrois cren "indigno" que o Executivo lles conceda a Medalla de Ouro de Galicia mentres veta a investigación política do sinistro.
A Xunta entregaralles ás vítimas e a quen as atenderon a Medalla de Ouro de Galicia no primeiro aniversario do accidente, que as persoas afectadas lembrarán cuns actos nos que rexeitan o "achegamento" de dirixentes políticos. Mentres, a instrución xudicial ralentízase e a indagación política permanece vetada.
As empresas Bombardier e Thales din que os seus equipos ERTMS en Galicia, polos que cobraron 164 millóns, "funcionan" pero que Renfe e Adif deron orde de non utilizalos. Os colectivos de maquinistas explican que a combinación destes dispositivos e dos embarcados nos trens "tende a dar problemas".
O grupo socialista emenda a proposta do BNG, que solicitaba unha comisión parlamentaria sobre o accidente, e intenta evitar que se vote. Tamén solicitou suprimir a petición de transferir as competencias aeroportuarias a Galicia ou a de iniciar os trámites para facer pública a AP-9.
Asegura que o cambio de sistema de seguridade realizouse para lograr unha "insignificante rebaixa nos custos" e "menos minutos de viaxe" co obxectivo de "captar usuarios con fins lucrativos".